RISE Kitchen (已結業)

呢間餐廳之前已經同朋友食過一次，今次就帶埋屋企人黎食晚餐。首先我地就叫左沙律菜，佢用左好多嘅芝士粉，再加左少少煙肉乾增加個口感同味道嘅層次，而且沙律菜相當新鮮，食完之後更加清新同開胃而且食個沙律都健康d。主食方面，我地就叫左一個紫蘇葉番茄醬蝦肉意粉同一個法國鵝肝及澳洲雞扒，個意粉嘅口感相當唔錯，好彈牙，而個醬汁同樣令人滿意，唔會太淡，而且好濃郁嘅蕃茄味，蝦肉更加係好大舊同好爽口。而個鵝肝雞扒只係$139，唔算貴，雖然唔係好健康，但係味道實在太吸引，而且賣相都係一流。最後就叫左一杯榛子朱古力，非常之濃郁，而且上面嘅cream攪混佢之後更加creamy。