影片
更多
2024-06-27
378 瀏覽
繼續生日飯系列 🤩 朋友今次特登揾左一間無論賣相同環境都打卡到滿分，味道更加係超水準嘅餐廳 😍 一入去見到落地玻璃開揚嘅景色，加上當日天氣好好，藍天白雲同少少陽光，顯得餐廳空間感十足，而且我哋仲坐到窗口位，睇住靚景嘆精緻嘅韓式真係超高享受 🫶🏻Deul Kkae - Juk個傳統粥係用咗韓國當造嘅蔬菜，加埋韓牛同埋蜆肉，用自家米煮 1.5 小時而成～ 入口除咗感覺到粥好綿之外，亦食到蔬菜陣陣嘅清甜，配埋牛肉同蜆肉嘅香味同埋口感，連麻麻哋嘅我都覺得好好食，佢仲有塊脆米可以撈埋一齊食，入口脆脆地又係另一番風味 🤤Jili - Tang呢個湯嘅賣相非常之吸引，打咗泡嘅海鮮湯口感好得意，而且非常之清甜，配埋入邊嘅蘿蔔粒一齊食，係非常清新嘅感覺，至於個釜山鮑魚就好鮮甜彈牙，直頭係食完都覺得個口甜甜地 😍Jan Chi主菜方面，朋友就揀咗烤澳洲和牛，牛肉烤到剛剛好，好容易咬開，入口非常之Juic又，而且牛味好香濃，鍾意食牛嘅一定唔可以錯過 🫶🏻 我就揀咗烤釜山鰻魚，鰻魚外脆內軟，佢烤到面層有焦香嘅感覺，但係咬開魚肉依然非常之軟身有肉汁，魚肉好挺身彈牙，十分高質；令人驚喜嘅係佢底層嘅薯蓉，加咗薑入去
Deul Kkae - Juk
個傳統粥係用咗韓國當造嘅蔬菜，加埋韓牛同埋蜆肉，用自家米煮 1.5 小時而成～ 入口除咗感覺到粥好綿之外，亦食到蔬菜陣陣嘅清甜，配埋牛肉同蜆肉嘅香味同埋口感，連麻麻哋嘅我都覺得好好食，佢仲有塊脆米可以撈埋一齊食，入口脆脆地又係另一番風味 🤤
Jili - Tang
呢個湯嘅賣相非常之吸引，打咗泡嘅海鮮湯口感好得意，而且非常之清甜，配埋入邊嘅蘿蔔粒一齊食，係非常清新嘅感覺，至於個釜山鮑魚就好鮮甜彈牙，直頭係食完都覺得個口甜甜地 😍
Jan Chi
主菜方面，朋友就揀咗烤澳洲和牛，牛肉烤到剛剛好，好容易咬開，入口非常之Juic又，而且牛味好香濃，鍾意食牛嘅一定唔可以錯過 🫶🏻 我就揀咗烤釜山鰻魚，鰻魚外脆內軟，佢烤到面層有焦香嘅感覺，但係咬開魚肉依然非常之軟身有肉汁，魚肉好挺身彈牙，十分高質；令人驚喜嘅係佢底層嘅薯蓉，加咗薑入去，撈埋韓式辣醬一齊食辣辣地好惹味，估唔到薯蓉都可以食到咁韓食feel 😍
JinSu - Sung Chen
第一次食到咁好食嘅白飯 😍 用壓力煲煮出嚟嘅釜山自家米入口非常香糯，煙煙淋淋好重米香，就咁食都非常之好食！配上清甜嘅鰻魚湯，仲有五款唔同嘅配菜，有辣嘅亦都有鹹嘅，就咁食又得，攞嚟放落飯度食，亦都好好食 🤤
最後就可以揀飲咖啡同茶，我哋今次就揀咗蜜桃茶同埋草莓芒果茶，跟茶仲有一件韓式嘅糕點，甜甜地，用嚟佐茶一流，亦為呢一餐精緻嘅韓式午餐畫上咗一個好完美嘅句號
張貼
