影片
更多
2021-10-08
315 瀏覽
話說前排有去Staycation，佢個Package包埋個文華的下午茶，呢個機會我又點會錯過呢?? 即刻安排左係Check-Out後去慢慢嘆，慢慢講是非，嘻！💋第一層，1963文華芝士餅，呢件果然係招牌貨，好出色，味道好正，芝士口感好正，絕對值得一試！菠蘿熱情果撻，呢個就帶點刺激，酸得黎幾開胃，我好怕食D假菠蘿，好彩呢個唔係(其實比咁的價錢好難會比假野掛XD)法式66%黑朱古力蛋糕，我唔怕食D高百份比的朱古力，反正佢幾高都好，苦度都唔及得我人生的1%，唉！佢呢款蛋糕苦得黎幾有層次，裡面有層Cream尤其出眾，3款黎講我會推介呢款，有點驚喜。💋第二層，車打芝士火腿三文治，講到尾即係芝腿治！冇咩特別，係D芝士好過平時食開7仔個D者，煙三文魚刁草忌廉裸麥三文治，呢個就有D驚喜，佢成個組合都好夾，煙三文魚雖然有點過鹹，但比裸麥三文治“沖淡”返，幾好。雞蛋沙律青瓜三文治，呢個同樣冇咩特別，但呢D平凡的食物有個好處，就係最安全，比較難會中伏，哈。烤牛肉辣根西洋菜三文治，呢個牛肉口感幾好，唔會話鞋晒咁，係咁多款三文治中私心推薦，幾好。💋第三層，傳統及提子鬆餅配玫瑰花果醬及牛油忌廉，玫瑰花果醬及牛油忌
話說前排有去Staycation，佢個Package包埋個文華的下午茶，呢個機會我又點會錯過呢?? 即刻安排左係Check-Out後去慢慢嘆，慢慢講是非，嘻！
💋第一層，1963文華芝士餅，呢件果然係招牌貨，好出色，味道好正，芝士口感好正，絕對值得一試！菠蘿熱情果撻，呢個就帶點刺激，酸得黎幾開胃，我好怕食D假菠蘿，好彩呢個唔係(其實比咁的價錢好難會比假野掛XD)法式66%黑朱古力蛋糕，我唔怕食D高百份比的朱古力，反正佢幾高都好，苦度都唔及得我人生的1%，唉！佢呢款蛋糕苦得黎幾有層次，裡面有層Cream尤其出眾，3款黎講我會推介呢款，有點驚喜。
💋第二層，車打芝士火腿三文治，講到尾即係芝腿治！冇咩特別，係D芝士好過平時食開7仔個D者，煙三文魚刁草忌廉裸麥三文治，呢個就有D驚喜，佢成個組合都好夾，煙三文魚雖然有點過鹹，但比裸麥三文治“沖淡”返，幾好。雞蛋沙律青瓜三文治，呢個同樣冇咩特別，但呢D平凡的食物有個好處，就係最安全，比較難會中伏，哈。烤牛肉辣根西洋菜三文治，呢個牛肉口感幾好，唔會話鞋晒咁，係咁多款三文治中私心推薦，幾好。
💋第三層，傳統及提子鬆餅配玫瑰花果醬及牛油忌廉，玫瑰花果醬及牛油忌廉係一決定左食咩後就有侍應擺低的，而2款鬆餅味道相近，焗得好出色，色澤金黃而且口感鬆脆，結論都係高質的鬆餅，而我地一切就散左@@佢2款醬我就偏好玫瑰花果醬，而牛油忌廉我就略嫌佢有點“漏”冇咩點蘸佢了，而玫瑰花就覺得好特別，雖然唔太知玫瑰花係咩味，但味道都出奇地好，至少冇陣可惡的藥水味，配搭2款鬆餅會有種畫龍點睛的效果，唔錯。
💋經典文華茶，佢仲有另一個名，叫做“Tea of Legend”講到咁勁，當然要叫杯黎試下吧，雖然我唔知佢用左咩茶味，但茶味清香，以解膩的功能黎講恰到好處，我地最後要不停咁勞煩侍應幫我地加水 @@ 幸好文華的服務水準真係一流，完全感受到5星級的服務，正！
張貼
