影片
更多
2018-05-01
847 瀏覽
今日5.1假期，同老公放假拍拖出去食餐好。突然想起早前參加孕婦分娩球班前係深水埗食野，發覺該處有好多高質素但價錢親民既小店。即時上OR搵下美食，見到呢間既米紙卷同越式法包好吸引，決定動身前往尋美食。去到1點左右，已經有6,7人係門口排隊。入面員工見到我粗身大細，好窩心問我使唔使比張椅子坐底休息下😍等左二十分鐘就有位可以入去，我要左一碗"蟹膏蕃茄湯檬"，老公要"豬肉撈檬"。另外點了"米紙蝦卷"同"凍既越南滴漏咖啡"。最後再叫了"越式法包"同"班蘭綠豆糕"外賣拎走。先黎"米紙蝦卷":用上蕉葉包住米紙卷，非常有風味，食起黎方便又衛生。平時會沾醋食，呢間配上小店既醬，類似沙爹醬，入面有碎花生粒同幾條蔬菜，好香好甜，但又唔會好咸好濃，我地每食完一啖，就加一匙醬上去米紙卷再食，食完唔會口渴，唔錯。凍越南滴漏咖啡:我以前係其他小店飲過一次，非常鍾意。所以今次強烈要求老公點呢個黎飲(原本老公點了普通凍咖啡，我話係越南小店食野，緊係配番一杯越南滴漏咖啡啦😜) 。大肚既我雖然唔可以飲咖啡，但見住咖啡一滴一滴咁落入練奶中，亦非常治療😍😍老公見我冇得飲好可憐，比咖啡我聞一聞止癢😅😅混左練奶既咖啡味道好香甜。但
去到1點左右，已經有6,7人係門口排隊。入面員工見到我粗身大細，好窩心問我使唔使比張椅子坐底休息下😍
等左二十分鐘就有位可以入去，我要左一碗"蟹膏蕃茄湯檬"，老公要"豬肉撈檬"。另外點了"米紙蝦卷"同"凍既越南滴漏咖啡"。最後再叫了"越式法包"同"班蘭綠豆糕"外賣拎走。
先黎"米紙蝦卷":用上蕉葉包住米紙卷，非常有風味，食起黎方便又衛生。平時會沾醋食，呢間配上小店既醬，類似沙爹醬，入面有碎花生粒同幾條蔬菜，好香好甜，但又唔會好咸好濃，我地每食完一啖，就加一匙醬上去米紙卷再食，食完唔會口渴，唔錯。
凍越南滴漏咖啡:我以前係其他小店飲過一次，非常鍾意。所以今次強烈要求老公點呢個黎飲(原本老公點了普通凍咖啡，我話係越南小店食野，緊係配番一杯越南滴漏咖啡啦😜) 。大肚既我雖然唔可以飲咖啡，但見住咖啡一滴一滴咁落入練奶中，亦非常治療😍😍老公見我冇得飲好可憐，比咖啡我聞一聞止癢😅😅混左練奶既咖啡味道好香甜。但老公覺得味道偏濃。
"蟹膏蕃茄湯檬"出場:好得意呀，蟹膏係加左蛋去整，睇落好似豆卜入面咁既樣，食落有蛋味有蟹肉味，但唔覺有蟹膏味。湯底望落好清，但味道好有特色，好香，而且小店將金不換切碎放入碗中，食既時候又方便，香味又出到，讚👍🏻👍🏻👍🏻最重要食哂成碗都唔會口渴，正👍🏻👍🏻👍🏻
輪到老公既"豬肉撈檬"出場:係老公不為意間偷食了一件豬肉。。。係。超。級。好。味。。。豬肉微暖，絕對不硬不老，醬汁香甜，但又唔會蓋哂豬肉味。極力推介👍🏻👍🏻👍🏻
返到屋企再食"越式法包":同老公share一半。我地都係第一次食越式法包，我本身鍾意食法包，拎到返屋企個法包仲係脆身，讚👍🏻入面有我愛既酸菜、青瓜、芫茜......配埋扎肉同肉鬆，整體感覺唔錯。但同湯檬相比，後者較出色。
最後食埋"班蘭綠豆糕":因為天氣成30度，拎返屋企已經有d溶🙈🙈即時放入雪櫃。隔一陣拎出黎，打開蕉葉，見到顏色翠綠既班蘭有兩層，中間夾住一層綠豆糕。由於大肚關係，我盡量避開食綠豆個層(因綠豆太涼)，但都沾到少許。入口感覺係好清新，好香，唔會太濃，好天然既感覺，絕對唔係食用精油既假味道，絕對係必食產品。開始後悔點解只買一件返屋企咁少......
米紙蝦卷
28 瀏覽
0 讚好
0 留言
米紙蝦卷
33 瀏覽
0 讚好
0 留言
越南滴漏咖啡
99 瀏覽
0 讚好
0 留言
蟹膏蕃茄湯檬
36 瀏覽
0 讚好
0 留言
豬肉撈檬
46 瀏覽
0 讚好
0 留言
越式法包
28 瀏覽
0 讚好
0 留言
越式法包
90 瀏覽
0 讚好
0 留言
班蘭綠豆糕
105 瀏覽
0 讚好
0 留言
張貼
