博多拉麵別天神 (已結業)

今次係我第一次黎別天神，之前聽朋友講過好味，但一直未有機會試。我叫左個蝦味噌豚滑湯麵，味道好好。先講左佢個湯底先，係用高壓煲煲出來既豬骨湯黎，所以湯底係奶白色，好濃郁同好味。然後佢既麵係比較幼細既，師傅煮麵時時間控制得好好，所以麵既口感剛剛好，唔會太腍或硬！佢成個湯麵同d蝦味道好夾，hkd85 平靚正！而老闆亦都好細心，佢每張台都放左唔同種類既配料俾客人自由配搭，包括有芽菜、蒜末、五香粉、拉麵胡椒、芝麻、薑絲同醋，真係好齊全！ 但佢地既服務態度就真係麻麻，當時我因為身體唔太舒服，需要飲暖水，而我見到佢地係有熱水既，我問個待應拎暖水，佢同我講話得冰水，之後我話熱水都得，但佢話唔方便俾！