稻乙日本料理

營業中

休息中

朋友仔生日，想食Omakase，搵到呢一間。訂咗七點，但可能少人，所以六點半到可以提早入座。叫咗一人一set $880，有刺身、壽司、手卷、蒸蛋、魚湯同甜品。我哋無叫酒或其他飲品，諗住飲茶ok，侍應就放低壺茶比我哋，好貼心。侍應有禮貌，會先問有冇對食材敏感，因為落咗單就無得改。之後每道菜放低，侍應都會先介紹食材同講解點食。今次好彩可以坐房仔，好舒服，環境都唔係好嘈。有獨立廁所，方便衛生。不過前菜原來係另外收費，侍應無講，稍為扣分。