燒串煲 (已結業)

今晚同女友行街，大家行到肚餓想搵野食，我地都想食雞煲，但淨係雞煲又大單調，係網上搵到一間又有得食雞同串燒既餐廳*燒串煲*，我地決定去試下！店內環境清潔。食物選擇多，仲可以揀2人同4人餐我地揀左2人餐，飲品可以揀津路同王老吉，解渴又清熱！蟶子王先到，夠晒大隻，肉質飽滿有彈性，而且冇沙，配上粉絲，好食涼拌黃金皮蛋，解滑爽口，配上佢地特製醬汁，酸酸辣辣，醒胃豬頸肉，肉質鮮嫩多汁，加上燶邊，帶上脆既感覺，唔錯終於到我最鍾意既午餐肉，啖啖肉，夠晒脆同多汁，好食！廣島蠔夠晒大隻，肉質滑而多汁，配上蒜蓉，正主角雞煲出場了，份量多，雞件夠大，啖啖肉，冇雪藏味，而且辣度適中，好食！最後埋單$468，唔收加一，食材新鮮，而且即叫即做，味道又唔錯，真係值回票價，我地會再黎食！