品川日本料理 (已結業)

平時比較少喺荃灣食放題，唔想食親都係去旺角嗰啲，所以今次搵咗呢間新開嘅放題試吓。位置鄰近荃灣西鐵站，都算方便，不過個商場新開嘅，所以都唔容易搵。一開波就叫咗碟刺身試一次先，覺得都算新鮮，而且比嘅量都會比足。唔會話你叫十塊淨係比三塊你。之後試咗佢嘅一口牛柳粒同埋燒牛舌，一口牛柳粒嘅水準正常，而且都好多牛柳，足料既。牛舌嘅味道同口感都相當唔錯，牛舌我覺得係值得推介嘅。至於自助食物果方面，佢啲炸物都有射燈照住，所以食落去都keep到個溫度，唔會話凍哂。榆樹街嗰啲都係趣嘅，都係水準之內。另外仲有一啲壽司同埋手卷，值得推介，例如海膽軍艦，都係一啲平價放題唔會食到嘅種類。最後佢仲有一人一杯Häagen-Dazs嘅雪糕，算係一個比較完美嘅句號。整體而言，我覺得呢間放題嘅水準同旺角一般嘅放題比係比較高嘅，大家都唔需要專登出旺角啦。