永發茶餐廳

營業中

休息中

話說買完高達要周圍搵食，行行下就行到入廣東道搵食。唔知點解附近啲鋪頭無開，結果都係食呢間。呢間就普通茶餐廳黎，早餐午餐都無乜特別，普通茶仔野咁。所以我黎呢到食親都係叫炒粉麵，因為呢到啲鑊氣真係好足，反正比多十蚊就大大享受。佢個牛河真係無得彈，首先有鑊氣，河粉有焦香得黎又唔會太燶，而且條條彈口，最緊要係條條上色，有味道。至於啲牛肉，普通茶仔牛肉，唔太鹹，唔算滑滑，但都無渣。整體好好食。至於炒飯就麻麻地，啲飯有啲濕，搞到成份都麻麻地。總之一定要食炒粉麵，炒飯不了。