July Coffee & Co.

營業中

休息中

話說上個月心血來潮走去行山，為咗趕及五點鐘去到深井食嘢，結果雙腿好似摩打，由荃灣經元荃古道行過去，只係用咗兩個鐘鬆啲😹。之前食過光榮，今次就決定幫襯 July Coffee & Co.。呢度 QR code 落單，先貨金後上菜。叫咗客巴馬火腿芝士酸種吐司，再配冰黑咖啡。酸種吐司食落同普通吐司分別不大，喺鑊烘嘅時候可能沾咗啲油味，味道有少許影響，呢度扣啲分。配料方面，除咗兩大片鹹香好味嘅 Parma ham 外，仲有生菜，車厘茄同水牛芝士，後三者味道清淡清新，同 Parma ham 絕對配搭得宜。相對食物，呢度嘅咖啡更勝一籌，雖然只係普通嘅 black coffee，但係咖啡味濃郁醇香，果香味重，飲完口腔內 after taste 久久不散，高質👍，唔怪之得咁多街坊幫襯。