影片
更多
2021-06-17
330 瀏覽
星期六趁住休息，想同D舊同事食個飯敘下舊，就相約去左尖沙咀一間西班牙風格的輕食餐廳，聽聞菜色好食得黎又有創新，唔少fusion菜都水準都做得幾好，對於我呢D中意試新野嘅人黎講十分吸引。 呢閒餐廳係樓上舖，裝修上都好有心機，雖然我未去過西班牙，但係我的確覺得風格別樹一幟，令我覺得好似響外國餐廳食飯，已經算係幾成功喇。 講翻野食，首先係辣味蟹肉撻，都比我地好大驚喜，蟹肉有海水味同鮮甜味夠濃就無需多講，最緊要係個辣味居然唔係平時西餐食到嘅，而係有少少川菜嘅麻辣，呢種味道融合又估唔到幾夾，比平時嘅辣味會更加野味同更有風味。 跟住就到番茄清湯酸菜白鱈魚，賣相好似平平無奇，但食落好有特色，味道上比較清淡，無加太多調味料，主要係將番茄同酸菜原始嘅酸味突顯出黎。講到呢到可能覺得好普通，其實呢個dish最特別嘅位係加左好多川菜先會用到嘅青花椒，所以係酸味之下一直有陣麻味托住，完全唔辣，完全唔會係麻到成個口腔難受，但就係好恰到好處地提鮮，令本身已經非常鮮嫩嘅魚肉食起身更加鮮美，做法非常聰明，完全係未試過嘅味道，認真超正。 最後就係主菜西班牙橡果黑毛豬柳龍蝦汁砂鍋飯，一樣都有驚喜。砂鍋嘅好處就係熱力夠，令成
呢閒餐廳係樓上舖，裝修上都好有心機，雖然我未去過西班牙，但係我的確覺得風格別樹一幟，令我覺得好似響外國餐廳食飯，已經算係幾成功喇。
講翻野食，首先係辣味蟹肉撻，都比我地好大驚喜，蟹肉有海水味同鮮甜味夠濃就無需多講，最緊要係個辣味居然唔係平時西餐食到嘅，而係有少少川菜嘅麻辣，呢種味道融合又估唔到幾夾，比平時嘅辣味會更加野味同更有風味。
跟住就到番茄清湯酸菜白鱈魚，賣相好似平平無奇，但食落好有特色，味道上比較清淡，無加太多調味料，主要係將番茄同酸菜原始嘅酸味突顯出黎。講到呢到可能覺得好普通，其實呢個dish最特別嘅位係加左好多川菜先會用到嘅青花椒，所以係酸味之下一直有陣麻味托住，完全唔辣，完全唔會係麻到成個口腔難受，但就係好恰到好處地提鮮，令本身已經非常鮮嫩嘅魚肉食起身更加鮮美，做法非常聰明，完全係未試過嘅味道，認真超正。
最後就係主菜西班牙橡果黑毛豬柳龍蝦汁砂鍋飯，一樣都有驚喜。砂鍋嘅好處就係熱力夠，令成個飯夠曬乾身，基本上已經見唔到有咩龍蝦汁，都比D飯粒索曬，逼到曬所有食材嘅香味。黑毛豬柳雖然唔會話係好嫩個種，但真係豬獨有嘅香味可以話濃過平時D豬肉一倍，相信係同選材同埋砂鍋嘅整法有關，好岩我食。最犀利都唔係呢樣，係餐廳加左蝦乾呢種中餐入面先會出現嘅食材落個飯到，可以話提升左個飯嘅層次，調出曬龍蝦汁嘅濃香味，令成個飯雖然乾身無汁，但依然海味十足，味道濃鬱，超級正，好快大大嘅一鍋飯就比我地兩個減肥緊嘅人迅速清曬。
呢餐fusion菜我係食得好過癮嘅，驚喜不斷，食得出出品創新又有心思，完美詮釋左如果食材運用恰當，1+1>2嘅道理，價錢又唔係貴，環境又好，完全值得黎食多幾次。
張貼
