CHOO CHOO (已結業)

之前朋友介紹呢間西餐，今日終於有機會試，餐廳用火車作主題，大家入到去就好似置身於火車車廂中，外面冰天雪地，好有冬天去緊旅行嘅感覺！除左裝修有格調外，餐廳menu亦好有心思，係一本旅遊日誌，令人目不暇給！餐廳選擇好多，我同朋友樣樣都想試，職員細心逐樣介紹，我地終於落好單。首先黎嘅係飲品，由於朋友唔喝酒，所以揀左mix berry energizer, 杯野無額外加糖，飲得出好fresh,仲有粒粒果肉。阿根廷紅蝦意大利麵賣相吸引，大蝦炸得好脆，不但可以連殼食，連頭都食得，第一次成隻蝦吞哂落肚，意粉質感唔錯，唔會太軟或太硬，加上風乾番茄龍蝦醬同巴馬臣芝士，整體調味一流！西班牙傳統燒乳豬亦係水準上乘之作，乳豬外皮焗得香脆，肉同脂肪嘅比例啱啱好，咬落去唔會好肥膩，再配合伴碟嘅燒菠蘿同迷你椰菜，令人十分欣賞！最後甜品試左店員推介嘅today special,一上枱已經好驚喜，因為用左仲凍嘅雲石碟擺放，帶酸嘅柚子泡沬包住甜嘅雪糕味道好夾，旁邊少少帶咸嘅麵豉綿綿冰再加上黑芝麻醬為我嘅味覺帶來新衝擊，呢道甜品層次好豐富，食到入面仲有合桃，果然夠特別！