Salamat Cafe (已結業)

今日收工之後，就同男朋友去咗劇院嗰邊，試咗呢一間嘅二人套餐。老實講呢度二人套餐係超級飽，一定食到你捧住個肚走。先來有一個蠔湯，好濃郁之餘，湯上面仲有一炸蠔，如果係愛蠔嘅人士一定好鍾意啦。之後頭盤方面我哋就揀咗青口配蒜蓉包，上菜嘅時候店員特別提醒我哋可以用個蒜蓉包點啲汁食好好味，果然真係個蒜蓉包點左嗰啲青口嘅汁之後食到我哋停唔到口。搞到我哋鍾意食個包仲多個啲青口。主菜方面我哋揀咗一個三文魚三文魚子檸檬汁忌廉意粉，加咗啲檸檬汁落去忌廉意粉入邊，覺得幾新鮮，比平日嘅忌廉意粉冇咁「樓」清新一啲嘅感覺。另一款小菜就要左法國燒春雞配黑松露薯條，個春雞同薯條都好好食，特別係個春雞個雞髀位好嫩。個餐仲有配餐飲嘅，轉特飲就半價。