芽莊越式料理

營業中

休息中

東涌一向係美食沙漠🏜️ 東薈城翻新擴充之後 就多咗好多食肆 今日去東涌探屋企人 就帶咗老人家去食越南菜煎三文魚撈檬$98 兩大塊煎三文魚腩😍好抵食🤞平時喺超級市場買兩塊急凍三文魚腩都要接近$50 腩位油香十足 唔會煎到好乾 尤其係三文魚皮煎得香脆 檬粉配有生菜絲酸蘿蔔絲 好開胃😗牛柳粒沙律 有青瓜🥒蕃茄仔🍅洋蔥🧅 沙律汁酸酸甜甜 有青檬香🍋 面頭嘅炸芋絲添加左啲越南風味 好特別嘅組合 牛柳粒經香料醃製 肉質嫩 炒芥蘭苗 配大量花生碎炸蝦皮炸蒜 配甜豉油 芥蘭苗唔老 細細條🥬值得一讚份量好大碟 連鎖越南菜來講風味十足又抵食👏👏