影片
更多
2023-08-28
4501 瀏覽
如果鍾意同屋企人飲茶嘅朋友，可以去荃灣悅來酒店(又稱熊貓酒店)嘅中菜廳----「殷悅」試吓，佢係2015至2018年更獲譽為「米芝蓮推介餐廳」，我哋同屋企人試過幾次，品質都相當唔錯，如果有做熊貓酒店會員，大部分點心都可享七至八折，十分抵食!.🌟杞子玉帶燒賣 HKD54蝦餃燒賣都係飲茶必食嘅點心！依度嘅燒賣零舍大粒，入面大大粒鮮蝦，上面又有帶子，雖然帶子片得稍為薄啲，但係👩🏻覺得已經好足夠，賣相一流，而且都好好味。.🌟露筍鮮蝦餃 HKD54依度嘅蝦餃同樣都好大粒，入面有成兩三粒蝦仁，粒粒都好彈牙，餡料仲有露筍，食落爽脆，同出面嘅蝦餃好唔同，皮薄餡靚，好味。.蟹肉賽螃蟹餃 HKD68蟹肉賽螃蟹餃外皮紫色，賣相睇落特別，但依個顏色擺喺食物度就唔太吸引，但蟹肉都幾彈牙同足料，另外入面有少少薑絲可能用嚟辟腥味，薑味都幾明顯，👩🏻就唔太鍾意啦。.🌟芝士三文魚撻 HKD50👩🏻好鍾意食依個，芝士三文魚餡料味道好Balance，份量細細件唔會膩。.姬松茸灌湯餃 HKD50一籠有兩隻，灌湯餃爆晒汁，湯汁都好鮮甜，但就無咩太大驚喜。.豉汁蒸鳳爪 HKD36正正常常。.🌟龍蝦湯鮮竹卷 HKD54👨🏽🦱同👩
.
🌟杞子玉帶燒賣 HKD54
蝦餃燒賣都係飲茶必食嘅點心！依度嘅燒賣零舍大粒，入面大大粒鮮蝦，上面又有帶子，雖然帶子片得稍為薄啲，但係👩🏻覺得已經好足夠，賣相一流，而且都好好味。
.
🌟露筍鮮蝦餃 HKD54
依度嘅蝦餃同樣都好大粒，入面有成兩三粒蝦仁，粒粒都好彈牙，餡料仲有露筍，食落爽脆，同出面嘅蝦餃好唔同，皮薄餡靚，好味。
.
蟹肉賽螃蟹餃 HKD68
蟹肉賽螃蟹餃外皮紫色，賣相睇落特別，但依個顏色擺喺食物度就唔太吸引，但蟹肉都幾彈牙同足料，另外入面有少少薑絲可能用嚟辟腥味，薑味都幾明顯，👩🏻就唔太鍾意啦。
.
🌟芝士三文魚撻 HKD50
👩🏻好鍾意食依個，芝士三文魚餡料味道好Balance，份量細細件唔會膩。
.
姬松茸灌湯餃 HKD50
一籠有兩隻，灌湯餃爆晒汁，湯汁都好鮮甜，但就無咩太大驚喜。
.
豉汁蒸鳳爪 HKD36
正正常常。
.
🌟龍蝦湯鮮竹卷 HKD54
👨🏽🦱同👩🏻至愛，鮮竹卷新鮮炸起，入面有蝦仁，蘸埋龍蝦湯好好味。
.
🌟紅米紫菜素腸粉 HKD54
入面除咗有紫菜，仲有木耳絲同甘筍絲等，食落好有口感，我哋每次都必點依款腸粉。
.
🌟蒜心蝦春卷 HKD50
同上，蝦仁大大粒，好食。
.
蜜汁叉燒腸粉 HKD54
正正常常。
.
🌟脆皮鮮竹蝦腸粉 HKD54
有蝦肉嘅點心全部都有大大粒蝦仁，依款蝦腸粉都唔例外，上面仲有啲鰹魚絲點綴下，好味。
.
西班牙火腿煎蘿蔔糕 (無圖) HKD50
蘿蔔糕正正常常，無太大驚喜，但西班牙火腿就帶俾我哋驚多過喜。因為本來以為蘿蔔糕入面嘅臘味會用西班牙火腿取代，點知就咁撻上去，兩者味道就唔係太夾🚁。
.
🌟蒜蓉荷香蒸龍躉頭腩飯 HKD208
屋企人鍾意食蒸魚，叫依個蒸龍躉頭腩飯就啱晒。龍躉頭腩魚味濃，嫩滑肥美，魚皮仲有厚厚膠質，撈埋有蒜香嘅荷葉飯食，啖啖肉好滋味。份量仲好多，次次都食唔晒要打包走先得。
.
🌟石鍋蔥香鵝肝和牛炒飯 HKD228
依個炒飯嘅鵝肝同和牛份量就唔算好多啦，但都食得鵝肝嘅油脂香，炒飯炒得好有鑊氣，👩🏻鍾意食依個。
.
🌟脆皮燒腩肉 HKD148
脆皮燒腩肉名符其實，脆皮夠香脆，油脂分佈得唔錯，唔會一大嚿都係肥豬肉。
.
🌟七味脆豆腐 HKD70
豆腐外脆內軟滑，好食。
.
點茶可以試下人參烏龍，我哋次次都指定飲依款，入口回甘，飲得出係靚茶葉。嘢食普遍都相當唔錯，如果做埋會員其實同出面靚少少嘅茶樓都差唔多價錢，以酒店嘅中菜廳嚟講真係好化算，環境又舒服可以眺望荃灣市景，我哋一家人都去過三、四次慶祝節日㗎！
杞子玉帶燒賣
$54
74 瀏覽
1 讚好
0 留言
露筍鮮蝦餃
$54
50 瀏覽
0 讚好
0 留言
蟹肉賽螃蟹餃
$68
46 瀏覽
0 讚好
0 留言
芝士三文魚撻
$50
75 瀏覽
0 讚好
0 留言
龍蝦湯鮮竹卷
$54
58 瀏覽
0 讚好
0 留言
紅米紫菜素腸粉
$54
48 瀏覽
0 讚好
0 留言
蒜心蝦春卷
$50
42 瀏覽
0 讚好
0 留言
脆皮鮮竹蝦腸粉
$54
43 瀏覽
0 讚好
0 留言
蒜蓉荷香蒸龍躉頭腩飯
$208
49 瀏覽
0 讚好
0 留言
石鍋蔥香鵝肝和牛炒飯
$228
45 瀏覽
0 讚好
0 留言
脆皮燒腩肉
$148
48 瀏覽
0 讚好
0 留言
七味脆豆腐
$70
44 瀏覽
0 讚好
0 留言
張貼
