福川鐵板燒日本料理 (已結業)

放工相約朋友係灣仔食晚餐，揀左呢間鐵板燒日式餐廳試一試。先嚟前菜已經有三款，好豐富！分別有蘋果醋漬嘅番茄仔底下嘅係蘋果醋啫喱，酸味味好開胃～跟住就有胡麻豆腐，質感唔係滑個種但豆香都幾足。最後就有南瓜凍湯，好creamy濃濃南瓜味！之後就係刺身嘅部分，估唔到係相機食先嘅部分，先將帶子煙熏過，上枱有微微飄煙，同時間滿足左眼同口嘅感官享受。帶子刺身配埋莎莎醬，變左有點泰式又幾出色。依家點任何晚市嘅套餐都會有呢款海膽杯，我地都係到場先知道，好驚喜呢！除左有圍邊嘅海膽，中間係蔥吞拿魚腩同埋三文魚子。三文魚子咸甜度適中配埋海膽一齊食好鮮味！之後就係日本甘鯛魚，師傅將鱗片都整成脆片，全部都可以食呢，好香口！配埋下面嘅甘筍湯提味，仲有撒上紫蘇花嘅香氣，令人回味啊！接住奉上一道用日本蝦夷鮑魚整嘅菜式，鮑魚先煎香，帶少少焦香，配埋清甜嘅生海苔蟹肉湯平衡返就剛好！湯嘅蟹肉部分都好頗多，後面仲有用左瑤柱汁熬煮嘅冬瓜片。海鮮仲未完呢，嚟咗一尾大蝦，店員提我地先食蝦身再食濃味嘅蝦頭，蝦身好爽彈食得出其中嘅鮮味，仲可以蘸底下嘅荷蘭汁，酸酸地平衡返海水嘅咸味。完左一系列嘅海鮮後，店員送上一客梨雪葩，為和牛嘅到來鋪墊。