麻辣風雲 (京都廣場) (已結業)

銅鑼灣打卡一流四川菜麻辣風雲🌶麻辣風雲喺荃灣起家 依家銅鑼灣都有分店啦👏我哋兩個人星期六晏晝嚟唔使等位就入得店內位置都坐得舒服 食物質素都唔錯👍.🎈炸饅頭 ($58)相信大家都會俾佢嘅外表驚艷到😍一上枱就會見到一隻大船 左右兩邊會噴煙超級有仙氣 打卡一流👍個擺盆應該係參考左草船借箭呢個典故 前面仲有隻諸葛亮添主角饅頭當然炸得外脆內軟 而最特別既係有四款沾醬除咗有基本嘅煉奶 仲有綠茶 朱古力 同好特別既香蔥醬 我個人嚟講都係鍾意傳統嘅煉奶😂不過香蔥醬都幾特別 有超濃既香蔥味 咸咸甜甜鍾意食蔥油餅嘅人應該會鍾意呢一款沾醬🧐.🎈酸菜魚 ($268)呢間酸菜魚 麻香酸辣所有味道都好出眾值得一提既係湯底食到後期既味道會更濃 勁麻勁酸 食到流哂口水🤤魚肉都非常滑溜 而且份量十足 食極都仲有算係喺香港來講做得比較出色嘅👍.🎈蒜泥白肉 ($78)話明係蒜泥白肉 豬肉片本身係冇味嘅所以個醬汁就係重中之重呢道蒜泥白肉超濃蒜味 微微既辣唔會太刺激 下面仲有超多青瓜絲 加埋個醬汁一齊食就更加滋味.🎈黑糖脆炸糍粑 ($58)炸得超脆 即使我擺咗好耐先食都仲係食到脆口嘅感覺而且仲超級煙韌 黑糖漿同埋黃豆粉都好足夠