影片
更多
2022-08-08
4045 瀏覽
🥩燒肉の牛太·本陣🥩📍:尖沙咀厚福街8號H8大廈21樓⏰:12:00pm-3:30pm,5:00pm-10:00pm同男朋友收工想食下啲好野 慰勞下返工嘅壓力🥹加上自己心思思想食燒肉 就諗到呢間燒肉の牛太·本陣 之前已經食過觀塘嘅分店 佢哋燒肉真係好高質 不過嗰間就任食 尖沙咀呢間就單點🙈環境都幾寬敞 唔會好大油煙 店員安排咗我哋去坐和式榻榻米 都幾特別🙈未試過除鞋食燒肉 有少少唔慣🙈不過呢度21樓 位置可以見到尖沙咀內街嘅夜景景色 都幾唔錯！🥗紫菜沙律沙律份量都幾多 紫菜好爽脆 充滿鹹香味 沙律菜好清新 好開胃嘅前菜 配搭燒肉一齊食無咁膩！🐃黑毛和牛“極”牛柳牛柳既雪花紋理細緻均勻 未食已經流晒口水 燒嘅時候已經聞到陣陣油脂香味 食落油脂甘香 牛味好濃郁 入口即溶 肉質極軟嫩😍🐃黑毛和牛4品一份有四款和牛部位 赤身、牛肋、牛脊肉同牛腹 每款有兩至三件 肉質冇得輸 充滿牛香味 輕輕燒一燒 唔需要落醬汁 已經好好食！🐃黑毛和牛炙燒他他呢款個人最愛 和牛配搭左生雞蛋、酸蘿蔔蓉同蔥花 可以就咁食 如果唔係好慣食生肉既 可以好似我咁輕輕燒一燒 味道嫩口又濃郁 有種入口即溶嘅口感！🦐一本大蝦成隻
📍:尖沙咀厚福街8號H8大廈21樓
⏰:12:00pm-3:30pm,5:00pm-10:00pm
同男朋友收工想食下啲好野 慰勞下返工嘅壓力🥹加上自己心思思想食燒肉 就諗到呢間燒肉の牛太·本陣 之前已經食過觀塘嘅分店 佢哋燒肉真係好高質 不過嗰間就任食 尖沙咀呢間就單點🙈
環境都幾寬敞 唔會好大油煙 店員安排咗我哋去坐和式榻榻米 都幾特別🙈未試過除鞋食燒肉 有少少唔慣🙈不過呢度21樓 位置可以見到尖沙咀內街嘅夜景景色 都幾唔錯！
🥗紫菜沙律
沙律份量都幾多 紫菜好爽脆 充滿鹹香味 沙律菜好清新 好開胃嘅前菜 配搭燒肉一齊食無咁膩！
🐃黑毛和牛“極”牛柳
牛柳既雪花紋理細緻均勻 未食已經流晒口水 燒嘅時候已經聞到陣陣油脂香味 食落油脂甘香 牛味好濃郁 入口即溶 肉質極軟嫩😍
🐃黑毛和牛4品
一份有四款和牛部位 赤身、牛肋、牛脊肉同牛腹 每款有兩至三件 肉質冇得輸 充滿牛香味 輕輕燒一燒 唔需要落醬汁 已經好好食！
🐃黑毛和牛炙燒他他
呢款個人最愛 和牛配搭左生雞蛋、酸蘿蔔蓉同蔥花 可以就咁食 如果唔係好慣食生肉既 可以好似我咁輕輕燒一燒 味道嫩口又濃郁 有種入口即溶嘅口感！
🦐一本大蝦
成隻手板咁大隻 蝦肉實正啖啖肉 爽口彈牙
🦪極上炙燒帆立貝伴魚籽
店員話帆立貝可以放落燒烤爐 每邊大約3秒 再用紫菜包住 加埋魚籽一齊食 微微燒過嘅帆立貝 暖暖地 鮮甜大粒 略嫌紫菜唔夠脆🥹
🦀蟹肉盛味噌甲羅燒
蟹蓋裏面佈滿左蟹膏、蟹肉同蔥花碎 再加埋鵪鶉蛋 味道口感豐富 店員會幫我哋燒香 入口香濃 齒頰留香 個人推介伴飯一齊食！
🍚迷你魚籽蟹肉飯
滿滿嘅蟹肉同魚籽 雖然迷你但係份量都唔少
🍜盛岡冷麵
食咁多燒肉一定要食返個冷麵 佢哋呢款冷麵加咗水蛋、西瓜同泡菜 未試過食冷麵有西瓜 好新奇有趣 口感辣辣地 麵條極度爽口彈牙 冰涼嘅口感好開胃之餘又解膩 食完個冷麵可以食多幾嚿燒肉😂
🍮咖啡啫喱
呢款啫喱有花奶同忌廉 咖啡啫喱用咗齋啡 比較苦 如果好似我哋飲唔慣咖啡☕️ 口感就麻麻哋🙈
張貼
