美食園林餐廳 (已結業)

之前食過佢哋嘅自家製麵包🥯，有餐肉包腸仔包同菠蘿包，全部都好好食！比一般麵包連鎖店都正好多，因為佢哋唔係空氣包。於是乎想試吓佢哋嘅早餐係咪同樣高質素。其實我知道呢間野嘅衛生一路都唔係幾好，舊舖嘛，不過我見都好多人食，試一試啦！我結果係叫咗沙嗲牛肉公仔麵餐，跟餐腸同一個餐包。其實我食唔晒嘅，聽阿叔話，我可以淨係拼個沙嗲牛肉公仔麵，跟杯飲品，但鬼叫我又想試吓佢個餐包，於是乎都係成個餐咁叫左。要求佢分開湯上，OK不過要加錢，佢個沙嗲牛麵啲肉質同好多舖頭都一樣，比佢哋醃製到淋晒，冇乜牛肉口感可言。餐包一如以往咁好食！早餐質素不過不失。