平昌韓國BBQ (已結業)

今日有同事生日想食韓國嘢, 所以我哋lunch就揀咗附近平昌豪食燒肉.上次食咗樓上漢和嘅任食韓燒, 感覺良好. 今次試下平昌嘅韓燒, 睇下會唔會有唔同感覺!中午時段人流唔算多, 環境寧靜, 座位間隔寬敞, 地方乾淨, 所以呢方面我會比滿分.前菜調味不俗, 非常開胃, 會令你想不停夾嚟食平昌既韓燒爐同平時以前食開既唔同, 佢地個爐邊可以煮近排新興既爐邊蛋, 兩個坑分別係放芝士蛋漿同泡菜蛋漿, 等佢地煮熟左之後, 就可以食到濃郁嘅芝士蛋, 加上香噴噴燒到出哂油嘅五花腩, 配合得非常好.食韓燒一定要叫五花腩, 浸肥膏真係睇到都流哂口水. 大蝦同其他肉(牛仔骨, 牛肋骨, 肥牛等等肉類) 都夠哂肥同新鮮, 完全冇雪味, 用料一啲都唔馬虎.可惜我地肚餓到唔記得左喂相機, 食到中間先記得影相, 最後影得兩張相.服務方面平昌比較特別, 佢哋嘅侍應好好人, 有部份好似係韓國人, 要用英文同佢地溝通.因為今次唔係任食韓燒, 所以無得狂食, 價錢尚算合理, 而且質素非常高, 呢個質素嚟講算係屬於抵食之選, 鍾意食韓燒嘅朋友一定要試! 可惜今次因為午市所以冇機會見識平昌既招牌菜芝士燒肋骨, 而且佢地而家有晚