LAB10 (裝修中)

同事好介紹，喺朗豪坊有間抵食韓燒牛肉店，今次帶埋個生胴飲食派朋友去食，讓她可以盡情吃肉。去到見到店外有個counter 調製飲品，擺放咗一啲實驗室嘅 test tubes，幾有趣，飲品可以外賣。店內裝修好新穎，cyber feel，用咗一啲燒瓶做裝飾，感覺有啲似個 lab (實驗室)。設備採用無煙燒烤爐，燒烤製造出嚟嘅煙即刻畀爐旁邊嘅吸氣位吸走，完全做到室內無煙嘅效果。牛牛板(二人份量)，可以試到牛嘅七個不同部位，用一塊牛形木板盛載各款牛肉，賣相已經好吸引。七個部位包括：特級牛後腹、嚴選一口牛、特級牛小排、黑牛牛板腱、安格斯西冷、厚切牛舌及韓式牛肋條。另外點多個香蔥薄切牛舌。先吃安格斯西冷，燒到啱啱熟，好香肉味。然後係厚切牛舌，非常有口感，唔韌，喜歡吃牛舌係因為佢有獨特嘅味道，其他部位一定食唔到。再試埋個薄切牛舌比較下，呢個好快熟，更加爽口，味道冇厚切咁濃，但都值得一試。繼續燒韓式牛肋條，呢個用醬汁醃製過，牛肉質地較淋，美味。一口牛，呢個比較立體，燒嘅時候記得每一面都要燒，但不能太熟，要鎖住啲肉汁，朋友最愛這個。黑牛牛板腱，呢個未食過，燒好之後依然好juicy。點多個西班牙豬架，嘩！勁