Chalet (已結業)

今日係荃灣附近行，諗起朋友講過荃灣有間好好食既餐廳，就專程黎到呢度。黎既呢日咁岩外部裝修緊，所以都比較難搵到呢。一入到黎，發覺入座人數都唔少，但位置好寬敞舒適，唔好覺得好嘈同逼，值得一讚係張凳好淋，好舒服好好坐。餐牌有兩面，另外仲有個飲品menu，我地叫左1個set dinner，1個 A LA CARTE，另外仲有2杯野飲 同 加1個甜品。首先係set dinner既餐湯，是日餐湯係蕃茄忌廉湯，好濃既蕃茄香同甜味，亦都帶微酸。另外仲有一塊包可以點住食呢。之前就係set dinner既前菜，帝王蟹餅配蛋黃芥茉醬。蟹餅既外層煎到好脆，有種酥皮既感覺，一切開入面就係啖啖既蟹肉，蟹味好濃，齒夾留香，足料，再加上蛋黃芥茉醬同魚子伴碟，鮮味、甜味、鹹味等等各種味道融合之後，加埋一齊好夾，個味覺好豐富。之後就係Cafe Latte ，個人感覺味道較淡，自行加左兩粒糖。之後就係主菜啦~ 佢個名好長，叫做 黑松露牛肝菌意大利飯配有機大啡菇配牛肝菌泡沫，睇個名都知呢款係以菌類為主既意大利飯 ~ 亦都好適合食素既人士點~！首先食第一層，牛肝菌泡沫 味道唔算濃，但勝在口感特別，一放入口即時就融化不見既感覺。