八蠔吧 (已結業)

今日同媽媽去海味街買海味，我地就係附近見到呢間西餐食埋dinner先番屋企，呢到好出名食蠔，好多食法都有。仲有廚師發辦，岩哂心大心細嘅客人。原味生蠔我地叫左六款唔同產地，生蠔隻隻都好新鮮，蠔味濃郁，海水味同鮮甜度都出色，另外鮮檸檬用個袋裝住，唔洗d檸檬籽跌左係生蠔到，好細心。龍蝦意大利飯龍蝦肉爽口彈牙，肉質紮實，味道鮮甜，意大利飯煮得軟硬適中，有咬口。卡邦尼意粉正式卡邦尼意粉係用生雞蛋去拌勻，蛋香味濃，意粉口感彈牙，煙肉肥瘦適中，炒得好香。