三希樓 (已結業)

第一次食三希樓，感覺非常滿意，佢各方面都令我同朋友無法挑剔。環境方面，佢裝修新正，現代風又不失中式古典的韻味，總叫人在享受高質舒適的環境里可以感受到宮廷般高貴的古香古色。有卡位亦有圓枱，方便一家大細或者三兩結伴的客人。一坐低，侍應就送上餐前小食，并為我們介紹特色菜式，服務態度親切友善。飲茶點心多屬於中式茶點，其中叉燒蝦腸粉分為白米同紅米兩種，出面好少可以食到紅米腸粉，于是決定一試。真系超級好味，賣相極佳，口感好特別，皮Q餡飽滿，仲要夠新鮮熱辣，好成功！帝苗菜肉餃，翡翠綠透出來好吸引，餡料飽滿豐富，一啖落去餡B晒出來，充滿整個口腔。菜肉都十分新鮮。最欣賞佢地點心既新鮮同足料，同樣系燒麥，佢地就系好味過出面酒樓，啖啖滿足。鮮蝦腐皮卷，我專門影左佢厚厚的蝦餃，真系好正，彈牙到呢！薄脆的腐皮包住，味覺多層次的享受。極品榴沙包，奶黃餡爆漿，新鮮鬆軟！甜品我地揀左擂沙湯丸，黃豆粉出奇厚，未入口就遠遠聞到黃豆香味。入面系豐富的芝麻餡，甜度正好合適！正！杞子桂花糕，味覺與視覺的感宴，外相玲瓏剔透，味道清香淡雅，桂花充滿整個口腔，Q彈爽甜，實在系勁好味！