肉骨皇 (已結業)

大坑一向都係美食既集中點，今次就專誠約左朋友黎到呢度食下星馬菜。嚟到依間肉骨皇，見到佢門口貼住嘅餐牌幾吸引，就入咗去坐底。我同朋友叫咗三樣嘢，叫咗一個咖喱牛，一個怡保咖啡骨，同埋叫咗一個馬拉盞炒蘿蔔糕。我哋等左大約五至十分鐘到啲嘢食就嚟到。先來嘅有咖啡骨，咖啡骨帶淡淡的咖啡味，加上麥芽糖的甜味，十分好吃。另外，咖啡骨表面脆脆的，咬落唔柴，配飯食一流。咖喱牛都幾足料，入面有薯仔同埋豆等等嘅配菜，牛嘅份量都算多。另外咖哩十分香濃，椰香味十足，配上白飯食，好好食。最後馬拉盞炒蘿蔔糕係三樣餸入面做得最出色嘅一款，蘿蔔糕被切成粒狀，炒得幾香脆，有鑊氣，一啲都唔油膩，並且唔會太咸。整體而言，今餐都幾高質，我同朋友都食得好飽好滿足。