宏 (已結業)

今日去左學校探老師同同學仔，好耐無黎過黃埔區，今日黎到原來變左好多好多。原來多左好多新餐廳，商場都大大改變左，裝修靚左環境又大左，行行下黎左一間日本餐廳食飯。餐廳食材由日本來貨，宇治抹茶粉夠哂吸引，又有海藻湯烏冬。我當然一試燒鰻魚飯。鰻魚醬汁另上，純白燒鰻魚質感爽嫩，吃出清清魚香和魚肉口感，可以隨自己喜歡配搭日本豉油、蒲燒汁、鹽和酸甜醬汁，可以有好多唔同味道。飯粒有咬口，另外仲有鎮店海藻烏冬，清甜湯底比我飲哂。餐廳轉左咖啡沙冰配香草雪糕，雪糕大大驚喜，奶味特濃入口非常幼滑。最後有抹茶小卷蛋，茶味清香突出，最後竟然回甘。抹茶忌廉好滑好甘香，卷蛋鬆軟夠哂滿足。回頭機會極高！