小王牛肉麵 (已結業)

星期日下午5點左右，等左15分鐘有位。環境雖不大，但座位舒適。今次叫台式炸醬麵、沙茶牛肉麵、手抓餅及炸雞扒。台式炸醬麵幼麵，配菜揀酸菜，青瓜送既。本來以為炸醬比較少應該無咩味，食落又好香。再問侍應拎辣油，加上辣油仲好食！加分！沙茶牛肉麵粗麵，配菜揀芫茜。牛肉好夠味，夠林。手抓餅一塊，有一隻碟咁大。好香牛油味，算係厚身。(圖係已食半塊)鹽酥雞扒必食！真係好酥脆！好有水準，每次黎都會叫！總括黎講好有水準，特別係雞扒，大力推介！值得一提，兩位女侍應都好有禮貌，加分。