回到味來 (已結業)

話說喺網上面見到有人推介呢一間雞煲火鍋放題餐廳7:30pm 前結帳有優惠，所以小編就同女朋友嚟到呢一間雞煲火鍋放題餐廳試一試，呢一間餐廳除咗有火鍋配料任食之外，套餐仲包埋串燒任食。雞煲方面啲雞肉整得好入味，然之後可以揀一個湯底打邊爐，小編同女朋友揀咗南瓜湯底，亦都有大約20種火鍋配料可以比大家去選擇，串燒方面小編就喜歡串燒雞中翼，同埋串燒芝心丸，海鮮亦都係好新鮮嘅。飲品方面亦都有大概10多種嘅飲品種類可以比大家去選擇，小編就比較喜歡呢間雞煲火鍋餐廳嘅自家製竹蔗茅根。