影片
更多
2023-05-11
131 瀏覽
最近係openrice見到「鮨鎧」有限時優惠~ 無論係午市或晚市，二人同行第二位都可享半價，用超親民價錢就食到高質Omakase！餐廳食材每日都由日本直送，務求客人品嚐到最新鮮食材，淨係呢點已經值得一試👍🏻！餐廳座位採用全吧枱設計，每位客人都可以望住師傅準備美食，賞心悅目。今次早到左仲可以望到師傅即場開魚，機會難得！睇住師傅好純熟咁劏魚﹑起骨，細心又快手，不禁驚嘆一番！午市黎到食omakase有兩個價位，分別係$580同$880，兩個價位都有前菜、蒸蛋、湯同甜品。後者以刺身﹑酒肴為主，壽司數量較前者少。♢ 🦀𝐀𝐩𝐩𝐞𝐭𝐢𝐳𝐞𝐫𝐬 | 前菜蟹肉蟹膏豆腐 ‧ 豆腐帶有香濃蟹膏味，仲有絲絲蟹肉，加上紫蘇花穗點綴，賣相精緻。♢ 🥚𝐒𝐭𝐞𝐚𝐦𝐞𝐝 𝐄𝐠𝐠 | 日式蒸蛋蒸蛋入口滑嫩，而且好足料~ 大量三文魚籽鋪面，內有鮮蝦﹑秋葵﹑冬菇，好有誠意！♢ 🎣𝐒𝐚𝐬𝐡𝐢𝐦𝐢 | 刺身4品❶ 間八魚魚肉爽口脆身，師傅噴上少量昆布鹽水，食落有淡淡海水味，清甜之中帶點鹹味。再加上紫蘇花點綴，賣相精緻。❷ 墨魚味道鮮甜，入口嫩滑。面層灑上烏魚子粉增添爽脆口感，加上黑魚子醬點綴更顯矜貴。❸ 油甘魚油甘魚非常厚切，炙
餐廳座位採用全吧枱設計，每位客人都可以望住師傅準備美食，賞心悅目。今次早到左仲可以望到師傅即場開魚，機會難得！睇住師傅好純熟咁劏魚﹑起骨，細心又快手，不禁驚嘆一番！
午市黎到食omakase有兩個價位，分別係$580同$880，兩個價位都有前菜、蒸蛋、湯同甜品。後者以刺身﹑酒肴為主，壽司數量較前者少。
♢ 🦀𝐀𝐩𝐩𝐞𝐭𝐢𝐳𝐞𝐫𝐬 | 前菜
蟹肉蟹膏豆腐 ‧ 豆腐帶有香濃蟹膏味，仲有絲絲蟹肉，加上紫蘇花穗點綴，賣相精緻。
♢ 🥚𝐒𝐭𝐞𝐚𝐦𝐞𝐝 𝐄𝐠𝐠 | 日式蒸蛋
蒸蛋入口滑嫩，而且好足料~ 大量三文魚籽鋪面，內有鮮蝦﹑秋葵﹑冬菇，好有誠意！
♢ 🎣𝐒𝐚𝐬𝐡𝐢𝐦𝐢 | 刺身4品
❶ 間八魚
魚肉爽口脆身，師傅噴上少量昆布鹽水，食落有淡淡海水味，清甜之中帶點鹹味。再加上紫蘇花點綴，賣相精緻。
❷ 墨魚
味道鮮甜，入口嫩滑。面層灑上烏魚子粉增添爽脆口感，加上黑魚子醬點綴更顯矜貴。
❸ 油甘魚
油甘魚非常厚切，炙燒過後逼出豐富魚油，入口即溶！配上柚子麵豉醬，鹹香口感幾獨特。
❹ 毛蟹﹑海膽
刺身杯賣相吸引，毛蟹蟹肉味道鮮甜，加上新鮮海膽，雙重口感超正！
♢ 🎣𝐒𝐞𝐚𝐬𝐨𝐧𝐚𝐥 𝐃𝐢𝐬𝐡𝐞𝐬 | 酒肴1品
鯛魚卵 ‧ 第一次試魚卵，入口唔會有魚腥味，口感似食緊香腸咁，幾印象深刻既一道菜！
♢ 🍣𝐒𝐮𝐬𝐡𝐢 | 壽司6貫
❶ 赤貝 ‧ 厚身肥美，清爽鮮甜。
❷ 深海池魚 ‧ 肉質肥美，加以梅醬調味，帶點酸酸鹹鹹口感。
❸ 中拖羅 ‧ 魚油豐富，甘香美味，入口即溶。
❹ 赤身 ‧ 醬油漬後香氣四溢，魚油甘香。
❺ 牡丹蝦 ‧ 新鮮爽甜！面層加上炙燒過既蝦膏﹑脆粒，好有層次感。
❻ 海膽 ‧ 色澤鮮艷，新鮮飽滿，鮮甜滋味。
♢ 🥣𝐒𝐨𝐮𝐩 | 湯
大蜆麵豉湯同樣絕不馬虎，材料豐富~ 湯頭鮮味十足，原來落左大蜆﹑煎豆腐﹑海苔，食完壽司好適合清一清味蕾。
♢ 🍵𝐃𝐞𝐬𝐬𝐞𝐫𝐭 | 甜品
甜品有兩款，包括紅豆抹茶布甸﹑海鹽雪糕。抹茶布甸味道濃郁，口感滑溜，加上紅豆蓉簡直絕配！另外海鹽雪糕鹹鹹香香咁，都幾有特色，為呢餐畫上完美句號。
張貼
