Quattro's Kitchen (已結業)

今晚同朋友揀左呢間喺太古康怡樓上嘅西餐廳 Quattro's Kitchen。呢度座位寬敞，想搵個地方慢慢食傾下偈就啱曬。精選二人餐 原價$838, 宜家優惠價只需$588。先來干邑龍蝦湯，入口香濃龍蝦味，加上新鮮大蝦，鮮味十足，配餐包食更美味。由於唔食得生冷野，餐廳特別將沙律轉左法國蝸牛，蝸牛原隻由法國運到，加上香草烤焗，入口熱辣辣，質地極為幼滑。薯蓉底有粒粒薯仔口感 表層帶點焦香，底層充滿牛油香氣。巨人安格斯肉眼，呢塊肉眼份量十足，肉厚多汁，肉質細緻，牛肉味出眾，配菜仲非常豐富， 有大啡菇、紫薯片、甘筍、車厘茄、南瓜...等等仲有原個蒜頭，同牛肉一齊食更添惹味。最後鮮果cheesecake，水果新鮮甜美，cheese cake濃郁醇滑，係非常高質又飽足嘅一餐。