荳子 (海壩街) (已結業)

平時見好多人排隊，想試好耐啦，假日三點幾去到排大約20分鐘，環境都舒服，幾適合食個甜品，嘆個下午茶同朋友傾下計。推介黑松露軟殻蟹意粉黑松露好香，意粉口感唔會太淋或太硬，剛剛好，仲有個軟殻蟹好脆好香口，唯一係個份量可能會唔夠男仔食，但好好食，必試。另外，我仲叫左兩個甜品。伯爵茶流心吐司係竹炭吐司，幾特別又鬆脆，一切開入面有伯爵茶漿流出來，再配雪糕食好夾，唔會好甜，唔鐘意食太甜嘅朋友都可以一試。香草綠茶梳乎厘好香好濃蛋味，好鬆軟，但食落唔會好似得食空氣個種口感，亦都唔會好甜，有淡淡既綠茶味，下次黎都會再食。