蝦麵店 (海光街) (已搬遷) 新店位置

星期五梗係食好啲啦，中午時間黎到蝦面店，唔知是咪因為落雨，唔洗排隊就入得，開心！之前係灣仔店排幾耐先食得呀！同女朋友一人叫左一碗面，貪心既佢叫左雞絲、蝦肉、豆卜喇沙湯底油麵！個湯底好香，好濃既咖哩味，口水都流埋豆卜索曬啲湯汁，超級推介蝦肉唔洗自己剝殻，啖啖肉！我就叫左海鮮（雜錦）蝦湯底河粉，比起喇沙，呢個湯底聞落更加惹味，食落更刺激因為係辣辣地！我仲加左貢丸，好食！青口好新鮮，呢隻蝦就係要自己剝殻既，蝦肉好實好正！呢到環境幾靚，坐得舒服，冷氣又夠，食lunch好地方