影片
更多
2019-10-08
7671 瀏覽
朋友係外國返黎話要帶我去佢以前成日去嘅飯堂食飯😍 佢話係佢食過香港禁多間質素最好嘅Omakase~ 未夠7點就上到黎，識坐一定係坐bar枱 有得同師傅傾計又可以睇住師傅整野🥳Omakase 有3個價位嘅選擇，我地就選擇咗最貴嘅🤑 一路等野食 一路同師傅傾計。朋友因為成日黎 所以同佢地都好熟 一直介紹唔同食材 産地 各種食物做法比我地。頭盤做得超精緻 全部都酸酸甜甜 好開胃~跟住一路食咗多種刺身 包括秋刀魚 海膽 燒呑拿 安康魚肝等等最爽係食蟹 日本空運到港的毛蟹，師傅起埋肉比你，蟹肉多汁鮮甜 蟹膏滑又香 🤤另一個係鹿耳島黑毛牛，牛肉一啖放入口就爆汁 油脂香味唔會搶咗牛肉味 肉質口感超正！全餐大概食咗10幾樣野，未食到壽司就已經開始飽😂 壽司一共食咗8件，由於我地大家都一至覺得大拖羅太油 所以師傅轉咗中拖羅比我地，重好食過我係大阪黑門市場食個啲🤣壽司食完重有一個牛肉清湯 加埋個日本蜜返收尾。師傅好擔心我地唔夠飽，重問要唔要整多個杏仁豆腐或抹茶布甸比我地。可惜我唔好杏仁豆腐又唔係抹茶fan加上已經超級飽就作罷了~
未夠7點就上到黎，識坐一定係坐bar枱 有得同師傅傾計又可以睇住師傅整野🥳
Omakase 有3個價位嘅選擇，我地就選擇咗最貴嘅🤑 一路等野食 一路同師傅傾計。朋友因為成日黎 所以同佢地都好熟 一直介紹唔同食材 産地 各種食物做法比我地。
頭盤做得超精緻 全部都酸酸甜甜 好開胃~
跟住一路食咗多種刺身 包括秋刀魚 海膽 燒呑拿 安康魚肝等等
最爽係食蟹 日本空運到港的毛蟹，師傅起埋肉比你，蟹肉多汁鮮甜 蟹膏滑又香 🤤
另一個係鹿耳島黑毛牛，牛肉一啖放入口就爆汁 油脂香味唔會搶咗牛肉味 肉質口感超正！
全餐大概食咗10幾樣野，未食到壽司就已經開始飽😂 壽司一共食咗8件，由於我地大家都一至覺得大拖羅太油 所以師傅轉咗中拖羅比我地，重好食過我係大阪黑門市場食個啲🤣
壽司食完重有一個牛肉清湯 加埋個日本蜜返收尾。
師傅好擔心我地唔夠飽，重問要唔要整多個杏仁豆腐或抹茶布甸比我地。可惜我唔好杏仁豆腐又唔係抹茶fan加上已經超級飽就作罷了~
張貼
