Motorino (船街)

營業中

休息中

紐約出名pizza 店！3個大人，1個小朋友叫左3個pizza ! 好瘋狂嘅pizza 之夜～因為同行嘅印度朋友食素，所以叫左2個素食pizza ，但味道都唔差！Pizza即叫即做，外面香脆，內裡軟熟。最重要係厚薄適中！🔸Salsiccia e friarielliToday’s special ! 蕪菁花菜、煙燻mozzarella芝士、意大利綿羊芝士、肉腸，好特別嘅組合！蕪菁花菜好似煮到軟身嘅芥蘭菜花👍🏻肉腸好似迷你肉圓咁，食落肉汁豐富，另外配上煙燻mozzarella芝士簡直一流！🔸Cremini mushroom （素食者版）超級豐富蘑菇，加上拉絲嘅芝士。啖啖蘑菇，正！另外值得一提，蘑菇通常係烹調過程中容易出水，但整個pizza配合芝士一d都無出水問題！🔸Marinara 新鮮蕃茄醬配香草蒜片，平時食pizza總會有好多配料，但意想唔到簡簡單單，卻令人驚喜！蒜片配搭少有，係清新鮮茄當中帶黎濃郁蒜香👍🏻總括🔹環境同服務都好好，pizza平均大概$200，但質素絕對中上！不過始終係食pizza 為主，如果期待好多選擇，有其他意粉、小食、前菜嘅朋友就可能會有d失望。