Uncle Pizza, Pasta & Grill (已結業)

Uncle Pizza依間餐廳係我幾年前已經幫襯過一次，當時食過依到Pizza已經覺得質素幾高，今次咁岩係中環有啲野做，所以黎依到再一嚐佢地特色Pizza，睇下同當時有冇分別，而結論係依然相當不錯，而且係蘇豪區黎講用依個價錢食到依個質素，享受到依個環境，CP值真係好高Pizza 德國風情 $178平時香腸Pizza淨係會聯想到莎樂美腸。德國腸Pizza都係第一次試，估唔到都幾出色。腸國腸嘅咸香同外脆內軟配埋蜜糖芥末醬、車打芝士，味道上非常平衡，餅底外層都好香脆，中間好軟熟，亦食到麵糰嘅麥香。有機會我會再黎食多次依款Pizza，因為真係好出色。Apple Crumble $68甜品叫左個Apple Crumble, 原本係跟個雪糕但老闆話太好賣冇哂就跟左個檸檬摙俾我。 Apple Crumble 甜而不膩，食得出蘋果嘅質感，酸中帶甜，而摙皮唔會做整到太厚實，十分平衡，個人好喜歡。