筷賞 (已結業)

之前黎過食日本野覺得幾高質 再黎搵新野食 點幾到門口最多人 不過等左陣就有位 落單後都好快有得食牛乳滑蛋蓋飯 配吉列豬排 $47層滑蛋薄薄一層 勝在夠香滑 蛋汁加少少茄汁好好食 塊吉列豬大過手掌 啖啖肉無骨 炸得好脆 食到尾都唔油 加埋個邪惡沙律醬好好食呀香辣海鮮炒烏冬 $52俾Menu張相吸引左 一上枱失望左一下以為好淡 點知食落好又真係好惹味 d汁唔好太辣太咸 海鮮多到食極都仲有 烏冬就夠入味 兩個都跟杯野飲 都算幾抵食 見佢都有擺個水機入面有檸檬 落單叔叔又好禮貌 可以做飯堂!