影片
更多
2021-05-27
218 瀏覽
約咗好友去飲下午茶，有人話想食點心，但係又要有啲新意。記得早前有朋友去咗荃灣「點一龍」品嚐新出嘅下午茶三層架，見啲點心賣相幾精緻，而且鹹、甜、脆點兼備，應該啱我朋友口味，一於試下。點心用咗個英式三層架盛上，每層都有四款。第一層甜點，包括有：斑蘭馬拉糕、果仁腰果酥、紅棗小魚子、芝麻小卷。馬拉糕賣相好精緻，外形的的骰骰，質地香甜鬆軟，視覺和味覺都很清新。果仁酥非常香口，面頭的腰果同夏威夷果仁入口脆卜卜，一啖一粒，令人回味無窮。錦鯉造型嘅小魚子堅搶眼，質感軟糯清甜，入口散發住紅棗的芳香，一點也不黏牙。芝麻卷煙韌彈牙，黑芝麻味好濃，入口甜而不膩。第二層香脆點心有：海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子。長春卷熱烘鬆脆，中間的蝦肉彈牙味鮮。牛肉酥外皮以綠茶炮製，茶味柔婉回甘，配上苦瓜外形同牛肉餡料，香口又美味。鍋貼用料好足，入面塞滿了蘿蔔、芹菜、木耳、冬菇粒等，入口皮薄香脆。蓮香惜玉煎包掌心大小，面頭黏滿了黑白芝麻，入面嘅豬肉餡好鬆化，吃時仲會咬到粒粒蓮藕，味道有層次。第三層蒸點心有：晶瑩海蝦餃、杞子鮮蝦燒賣、 幸運小水母、蟹子小籠包。蝦餃外皮做得好薄，望落晶瑩剔透，一口
記得早前有朋友去咗荃灣「點一龍」品嚐新出嘅下午茶三層架，見啲點心賣相幾精緻，而且鹹、甜、脆點兼備，應該啱我朋友口味，一於試下。
點心用咗個英式三層架盛上，每層都有四款。第一層甜點，包括有：斑蘭馬拉糕、果仁腰果酥、紅棗小魚子、芝麻小卷。
馬拉糕賣相好精緻，外形的的骰骰，質地香甜鬆軟，視覺和味覺都很清新。果仁酥非常香口，面頭的腰果同夏威夷果仁入口脆卜卜，一啖一粒，令人回味無窮。
錦鯉造型嘅小魚子堅搶眼，質感軟糯清甜，入口散發住紅棗的芳香，一點也不黏牙。芝麻卷煙韌彈牙，黑芝麻味好濃，入口甜而不膩。
第二層香脆點心有：海蝦長春卷、苦盡甘來(涼瓜牛肉酥)、金黃素鍋貼、蓮香惜玉煎包子。
長春卷熱烘鬆脆，中間的蝦肉彈牙味鮮。牛肉酥外皮以綠茶炮製，茶味柔婉回甘，配上苦瓜外形同牛肉餡料，香口又美味。
鍋貼用料好足，入面塞滿了蘿蔔、芹菜、木耳、冬菇粒等，入口皮薄香脆。蓮香惜玉煎包掌心大小，面頭黏滿了黑白芝麻，入面嘅豬肉餡好鬆化，吃時仲會咬到粒粒蓮藕，味道有層次。
第三層蒸點心有：晶瑩海蝦餃、杞子鮮蝦燒賣、 幸運小水母、蟹子小籠包。
蝦餃外皮做得好薄，望落晶瑩剔透，一口咬下，滿滿的新鮮蝦仁，口感脆彈鮮甜。燒賣食味亦不俗，紮實感十足又夠咬口，蝦肉鮮香彈牙，加埋杞子，夠晒養生。
幸運小水母原來係用南瓜汁搓皮做成的蝦餃，蝦肉爽口味足，加上 cutie 造型，用嚟呃 like 一流！小籠包外皮厚薄適中，內裡湯汁豐盈，加上頂頭以黑蟹子作點綴，賣相美觀。
點呢個下午茶三層架，每位食客會獲贈原隻鮑魚雞粥 或 鮮蝦雲吞麵，我哋每樣點咗一份。睇下幾足料，喺綿滑的雞粥入面加入了軟腍入味的鮑魚，份外美味窩心。雲吞麵亦值得推介，麵條爽口有彈性，雲吞皮薄餡靚，有水準。
意猶未盡，每人再加咗客楊枝甘露，材料十分豐富，有芒果、柚子和西米，入口酸酸甜甜，十分開胃。
張貼
