影片
更多
2018-09-24
496 瀏覽
中秋將至,加上週末假期,就想帶Mami出嚟威威,請佢食番餐好嘅,以表孝心👩🏻但通常老人家都唔想舟車勞頓去得太遠,所以就喺屋企附近嘅新都城搵吓邊間高檔小小又唔會太傷荷包嘅餐廳啦🤭之前好似都唔覺眼呢個位有間西餐廳,我諗應該都算係新開冇幾耐,見到裡面嘅裝修都幾有歐陸風情,人客都幾多但又不至於要等位,餐廳名叫做「春天」都幾有詩意,見Mami都覺得唔錯一於就入去試吓啦。呢度嘅set dinner分兩份餐牌,都幾多選擇,搞到我哋三個人都花多眼亂,結果我哋三個都分別揀到自己嘅心頭好每人一個set,大家都叫唔同嘅餐咁就可以亙相開心分享喇。我哋三個都驚飽得滯食唔哂所以全部都揀咗是日餐湯,如果唔鍾意飲湯嘅話就可以揀田園沙律。本身餐牌冇寫係乜所以我叫之前已經問咗職員係咩湯嚟,佢話今日係粟米火腿忌廉湯咁我就放心叫喇。佢仲話餐牌都會定時改動吓,咁可以下次嚟就應該會試到其他款式啦。平時都好小見西餐廳嘅粟米湯會加火腿,所以呢度有都加咗分丫。啲湯最重要夠熱,啲粟米同忌廉煲到好溶,好味Mami揀咗呢份扒智利比目魚柳配大蝦,估唔到仲可以有意粉/飯/薯菜跟埋添,職員問Mami揀邊樣嘅時候都令佢嚇咗一驚因爲覺得好抵食。佢驚食
之前好似都唔覺眼呢個位有間西餐廳,我諗應該都算係新開冇幾耐,見到裡面嘅裝修都幾有歐陸風情,人客都幾多但又不至於要等位,餐廳名叫做「春天」都幾有詩意,見Mami都覺得唔錯一於就入去試吓啦。
呢度嘅set dinner分兩份餐牌,都幾多選擇,搞到我哋三個人都花多眼亂,結果我哋三個都分別揀到自己嘅心頭好每人一個set,大家都叫唔同嘅餐咁就可以亙相開心分享喇。
粟米火腿忌廉湯
19 瀏覽
0 讚好
0 留言
我哋三個都驚飽得滯食唔哂所以全部都揀咗是日餐湯,如果唔鍾意飲湯嘅話就可以揀田園沙律。本身餐牌冇寫係乜所以我叫之前已經問咗職員係咩湯嚟,佢話今日係粟米火腿忌廉湯咁我就放心叫喇。佢仲話餐牌都會定時改動吓,咁可以下次嚟就應該會試到其他款式啦。平時都好小見西餐廳嘅粟米湯會加火腿,所以呢度有都加咗分丫。啲湯最重要夠熱,啲粟米同忌廉煲到好溶,好味
扒智利比目魚柳配大蝦
$118
14 瀏覽
0 讚好
0 留言
Mami揀咗呢份扒智利比目魚柳配大蝦,估唔到仲可以有意粉/飯/薯菜跟埋添,職員問Mami揀邊樣嘅時候都令佢嚇咗一驚因爲覺得好抵食。佢驚食唔哂所以就揀咗薯菜啦~首先塊魚柳Mami表示極度滿意,佢話超級有魚味,魚肉夠實兼夾彈牙,佢話有魚味絕對唔係講廢話,佢話如果係雪藏魚就會雪到冇哂魚味,呢度呢條絕對新鮮,煎到外皮微脆,所以佢話好好味。隻大蝦Mami話煮得夠熟唔會馬虎,蝦夠大隻肉質夠爽,薯菜方面除咗有益嘅椰菜花仲有翠肉瓜又有豆咁,實在夠食。舊薯蓉上面仲插咗一塊薄脆增添一份華麗嘅感覺,成個餐即刻grand咗仲加咗幾分藝術感,絕對係酒店級嘅水準一樣。
美國肉眼扒(12OZ)
$188
9 瀏覽
0 讚好
0 留言
而阿肥叫呢份係美國肉眼扒(12OZ),配意粉,仲跟埋燒汁,$188蚊有呢種質素實在唔過份。塊肉眼扒仲大過我塊面牛扒燒烤嘅程度剛好七成,係阿肥嘅要求,唔會太生亦唔會overcooked,確係恰到好處,牛扒嘅油脂分佈唔錯,入口咀嚼之後都發出輕輕牛香,需唔需要再點汁真係悉隨尊便,塊牛扒本身質素夠好都唔洗太多其他調味,正呀另外真係要大讚個意粉,竟然會用橄欖油炒香過,再加上香草調味,呢個廚師嘅廚藝認真有深度
春天龍蝦拼盤
$178
14 瀏覽
0 讚好
0 留言
9 瀏覽
0 讚好
0 留言
我揀嘅呢份春天龍蝦拼盤就犀利喇,除咗有半隻龍蝦之外,仲有羊架一件,牛脊扒一塊同埋一隻大扇貝勁驚喜咁原來仲有炸薯條添‼️另外配上燒汁。首先要讚美一下隻扇貝好好味,佢用咗好特別嘅沙律醬混埋一齊焗令到味蕾嘅刺激度大增,非常開胃。但仍然唔會搶去扇貝嘅風頭,可以食到新鮮嘅彈牙質感。至於嗰半隻龍蝦心機分亦唔小,一咬開食落就知道廚房唔係用水烚完先再焗咁慳時間,爽口程度令人非常滿意,絕對係需要一定時間烤焗先可以做到呢個水平,上面仲微微咁釀入咗菇絲+洋蔥絲,同埋芝士+小小沙律醬撈埋一齊喺龍蝦面度焗,口感豐富又美味。因為我本身唔食羊,所以塊羊架我就俾咗阿肥食,佢食完之後就概嘆自己點解唔叫呢個餐因為佢覺得呢個餐勁多嘢食又好味道,咁睇嚟件羊架都一樣係保持水準,令人滿意。雖然塊牛脊扒只係細細件但屬於厚切嘅一種,就算切開嚟食仍然可以有六/七片,見到裡面粉紅色嘅肉咬落去非常鮮嫰,令人讚佩!!!只係輕輕調味帶出牛肉本身嘅肉味,真心只講求質素薯條嘅份量一啲都唔孤寒,我亦都根本已經飽到要將薯條同大家三個人一齊分享。呢隻幼身薯條我最鍾意,尤其係啱啱炸起,又熱又脆
凍奶茶+凍檸茶+熱咖啡
7 瀏覽
0 讚好
0 留言
最後一人一杯餐飲,無論有咩要求職員都一樣有求必應：凍奶茶要走甜多奶,凍檸茶只要小小甜,只係得熱咖啡正常,全部都一應俱全,毫無甩漏
食一餐咁高質素嘅西餐廳埋單都只係五百零蚊本小姐真心覺得賺到喇,Mami仲要好開心,我哋三個人就算已經食完,坐底傾咗一陣計職員亦都唔會趕人走,只係會繼續不停提供服務,又斟水又清理,非常盡責。最後仲有店長超nice咁送咗件蛋糕俾我哋食添會唔會係靚女福利(?!)(欠揍mode on)
千層蛋糕
10 瀏覽
0 讚好
0 留言
呢件千層蛋糕,我相信係餐廳自家製嘅,千層嘅蛋皮十分之薄,逐層加上嘅忌廉絕對係考驗功夫之作,相當獨特,帶點焦糖嘅味道,係我喺出面冇食過嘅口味
張貼
