The Grill Room (The Humphreys)

營業中

休息中

同朋友想係市區鋸排，又要環境靜靜地傾到計，就黎到尖沙咀 The Grill Room，佢地既用餐環境十分舒適，塵位都安排得好闊落，空間感十足。炭燒美國10安士USDA頂級安格斯西冷牛扒配法式薯蓉(牛肝菌牛肉原汁) $448我地叫左5成熟，燒得岩岩好，見到周邊有少少焦脆，配埋清晰既網紋真係好吸引。食落肉汁非常多，炭香味濃，另外個牛肝菌汁非常夾個排，能夠更帶出肉香，但係唔會搶左塊排既味道，非常出色。香煎帶子青口三文魚籽香草忌廉汁扁意粉 $218帶子煎到外層香脆，內層仍然軟嫩，味道鮮甜，青口大大隻唔會有腥味，扁意粉口感都幾彈牙，忌廉汁唔會太膩，食完都唔會覺得滯。