鉄人旨花 (已結業)

最近係朋友中聽到一間餐廳開張不久已經好多人食，心中當然想去見識下。位於西營盤既餐廳如果唔係開左地鐵應該都幾難去，不過單憑呢樣野係阻我唔到。餐廳地方唔大，但坐滿晒人，唔book位好大機會要等。不過餐廳有見及此都會係繁忙時段set番用餐時間，令其他食客唔駛等太耐。嚟之前已經知呢度主打丼，都好多唔同款式揀。秋丼盛 $188以蝦蟹為主既秋丼盛配以多種刺身：甜蝦，丹蝦，蟹柳，蟹鉗，蟹籽，各種刺身佈滿丼既表面，十分豐富。而刺身亦沒有雪藏的味道，感覺新鮮。厚燒牛舌 $68牛舌比平時食開更大件更厚，雖然係厚身，但唔會有韌既感覺，而咬落去一樣爽口，食既時候加埋檸檬汁味道更突出。經過今日一試，難怪餐廳魅力沒法擋，走既時候已經又有客人準備入嚟。