影片
更多
2022-11-30
281 瀏覽
聽身邊好多朋友食過「上村牧場」都讚不絕口。今晚終於有機會品嘗，還好有book位，嚟到門口都好多人望門興嘆因為是日Booking已滿。來自日本嘅「上村牧場」，自設牧埸飼養A4 薩摩黑毛和牛，牛肉供應穩定及質素有保證。和牛燒烤放題分幾種級別。一場嚟到，梗係試吓享負勝名嘅日本薩摩牛。最高級別的「薩摩牛響宴套餐」100分鐘任食放題已包括170款食品，款式之多同grade 餐廳可以話係數一數二😍🌟每款套餐連同無酒精飲品任飲。自助吧有咖啡、果汁、汽水及熱茶等。所有食品都經平板電腦落order ，透過特急列車送餐😍，冇漏單而且都好快送到。試勻薩摩牛和牛系列，每碟兩至三片份量啱啱好可以試多幾款，分別有：薩摩牛和牛五花，脂肪紋理細緻，薄薄的燒完之後充滿牛油香！薩摩牛和牛里肌肉，肉質柔軟，口感鬆化，油脂比例啱啱好。薩摩牛和牛涮涮燒，脂肪紋理更清晰，大塊夠薄燒完之後更美味！薩摩牛和牛壽喜燒，蘸生雞蛋最傳統食法。也有蒜香牛油食法，放喺錫紙兜裏面燒熱，蒜香牛油濃郁，相當惹味！推介！另一調味有柚子醋 ，清新酸酸地，再加上洋蔥帶出不同風味。薩摩牛壼漬，最初以為比較大件和靭，相反切得夠薄入口軟稔，而且醃得頗入味。羊扒
聽身邊好多朋友食過「上村牧場」都讚不絕口。今晚終於有機會品嘗，還好有book位，嚟到門口都好多人望門興嘆因為是日Booking已滿。
來自日本嘅「上村牧場」，自設牧埸飼養A4 薩摩黑毛和牛，牛肉供應穩定及質素有保證。
和牛燒烤放題分幾種級別。一場嚟到，梗係試吓享負勝名嘅日本薩摩牛。最高級別的「薩摩牛響宴套餐」100分鐘任食放題已包括170款食品，款式之多同grade 餐廳可以話係數一數二😍🌟
每款套餐連同無酒精飲品任飲。自助吧有咖啡、果汁、汽水及熱茶等。
所有食品都經平板電腦落order ，透過特急列車送餐😍，冇漏單而且都好快送到。試勻薩摩牛和牛系列，每碟兩至三片份量啱啱好可以試多幾款，分別有：
薩摩牛和牛五花，脂肪紋理細緻，薄薄的燒完之後充滿牛油香！薩摩牛和牛里肌肉，肉質柔軟，口感鬆化，油脂比例啱啱好。
薩摩牛和牛涮涮燒，脂肪紋理更清晰，大塊夠薄燒完之後更美味！
薩摩牛和牛壽喜燒，蘸生雞蛋最傳統食法。也有蒜香牛油食法，放喺錫紙兜裏面燒熱，蒜香牛油濃郁，相當惹味！推介！
另一調味有柚子醋 ，清新酸酸地，再加上洋蔥帶出不同風味。
薩摩牛壼漬
7 瀏覽
0 讚好
0 留言
羊扒竟然係咁厚切，肉質睇落仲好新鮮，原裝冇醃製可以自己DIY grill 羊扒。差不多時候放上碎胡椒和海鹽，肉質鮮嫩，羊羶味唔算重，大成功超美味！😌
這個級別套餐仲可以cover到澳洲和牛。
棉花糖壽喜燒～今期最流行的食法。棉花糖受熱融化，那種甜度令壽喜燒牛肉變得更加甜。還好份量不大，口味新穎總算一試！😋
伊比利亞豬（羅勒）～放上羅勒醬作調味，清新美味。里肌肉（味噌）~味道鹹咗少少。
雞芯～比較少有嘅內臟燒烤款式，味道唔錯，燒完有碳香。
牛舌，每邊燒一會，絕不能Overcooked，才做到爽口有肉汁。
主食方面，都是認真製作的料理，有空間的話不妨一試😋香蔥、玉子丼~米飯甘香配玉子紫菜碎再加薩摩牛絕對係頂級享受！
麻辣牛五花湯~味道非常濃郁，偏鹹，但係辣辣地好醒胃。
冷麵～韓式冷麵，伴以切得幼細嘅青瓜絲，麵質煙煙韌韌冰凍解油膩。
推介必試這裏超多樣化嘅自慢料理。每款都預先放在錫紙兜，直接放上爐燒百分百成功亦唔容易燶。👍🏻🌟
明太子芝士薯仔，醬汁配搭豐富美味，芝士熱融後超正！牛油粟米~吸滿牛油的超甜粟米粒！
煙肉蘆筍~蘆筍爽甜，配鹹鹹地嘅煙肉十分美味。
海鮮類別：燒海老，大大隻的虎蝦，彈牙爽甜。
照燒汁魷魚，味道濃郁嘅照燒汁配洋蔥，魷魚圈軟熟，perfect !
不得不提幾款壽司做得唔錯，三文魚甜美，帆立貝是厚切那種，甜度極高。松葉蟹軍艦，充滿澎湃嘅一絲絲蟹肉滿到瀉，用料十足有驚喜！
時間唔多，冇認真研究過甜品～截單後才發現未點甜品~還好可以問店員取1客甜品😋（限定每人一款）。超滿足有品牌雪糕🍨😌
張貼
