Sodam Chicken (已結業)

近幾年韓風來襲，順帶韓式飲食文化都攻陷咗香港人嘅心， 當中韓式炸雞絕對係當中嘅佼佼者，亦都係我老公好喜愛嘅菜式之一。難得今日和老公一起放假所以午餐也不能馬虎，就帶他來位於銅鑼灣時代廣場後面的<Sodam Chicken>。S字其實係卡通魔鬼，同炸雞一樣令人又愛又恨。😈😈😈第一件事當然要來個韓式炸雞，來到的時候雞皮還吱吱作響，絕對是啱啱炸好的呢！炸雞熱辣辣脆卜卜，炸雞嘅香味誘人，真係想即刻就食！！但要小心，因為真係啱啱炸好所以好熱！！熱到我都不能立即拿起雞件來影相。大約都要等幾分鐘先可以拎起而拎得耐，畀大家睇清楚炸雞外皮真係好香脆，呈完美嘅金黃色。以完美香脆的雞皮下的雞肉依然保持到非常嫩滑，而且整體嘅口感唔會過油，香！脆！嫩！滑！超正吃過熱氣的炸雞後想吃點涼涼的食物，所以點了比較特別的涼拌水冷面。這個比較清淡而且口感冰涼，吃過熱辣辣的炸雞後吃絕對是個美好的平衡滑嘟嘟的水冷麵有泡菜作調味，所以酸酸涼涼的口感很好而且味道不會寡，為我們的嘴降溫降溫。芝士粟米是我們點的其中一個小食。清爽的粟米加上芝士後便一起焗，雖然做法簡單但是好味。芝士還可以做到拉絲的效果，正合我們這些芝士控。