緬甸招牌湯米線 (已結業)

早前聽聞何文田有緬甸菜館，所以趁今次黎到何文田，就黎試下。鮮魚濃湯米線$48，香濃既鮮魚味，亦透出淡淡清香雞湯，混合埋有益既黃薑粉去熬制湯底，豆卜吸收晒湯既精華。叻督-緬甸雞絲撈冷麵$48，用料有青瓜、雞絲、炸蒜蓉、芫茜，配以甜豉油醬，撈混後食，每啖好有層次感。緬甸風味咖哩雞配椰香飯$62，濃烈既咖哩，亦唔會太辣，飯亦透出啖啖椰香，配搭得宜。酥炸黃金脆蝦餅$48， 熱辣辣，即叫即炸，好脆口。緬甸羅望子特飲 $20，味道帶點酸，開胃飲品