鳴門魚市場居酒屋 (已結業)

經外賣平臺叫咗嗰粒粒角切海鮮丼（$72）。本來冇乜特別嘅期望，不過嗰飯送到嚟，發現豉油係用密實袋仔裝嘅，真係嚇咗一跳，哈哈。 跟住嗰丼飯都好大兜下，而且啲魚生好多，睇橫切面，甚至多過啲飯。 魚生有三文魚、吞拿魚、劍魚腩同八爪魚。魚生都係中上水平，不過不失，但都算新鮮嘅。飯底上面舖咗一層紫菜，本身有味，所以唔駛落太多豉油。 唯獨係佢有附三兩條沙律菜，會有少少唔係太Match。 整體而言，魚生嘅份量好多，而且都算新鮮。份量啱啱好，算係唔錯嘅一餐。