影片
更多
2022-06-09
1653 瀏覽
餐廳：鮨心，旬節 (旺角)地址：旺角彌敦道703-705號金鑽璽2樓之前已經聽過旺角呢間「鮨心，旬節」 @kokorosushihk Omakase日本餐廳🇯🇵，皆因有唔少朋友都講過佢哋午市Omakase嘅性價比好高，最平$299就食到9貫壽司+1貫手卷嘅套餐😍日文「Kokoro」解作「心」❤️，當一切由心而發咁去做，我相信每一個人都會感受到呢份心意；「旬節」有唔同季節嘅意思，餐廳旨在按照唔同嘅季節去發掘唔同新鮮而且高質嘅時令食材，希望整成各式料理，將食材最好嘅一面呈現喺你我眼前✨平日嘅晚上嚟到，Bar枱10個座位全部坐滿，想嚟食Omakase嘅人真喺要記得提早訂位📞。晚市Omakase得「心 Kokoro」($1180)同「旬Shun」($1380)兩個Set，後者會多兩貫刺身同1貫壽司🍣，而我今次就揀咗前者💛啱啱點完餐就已經奉上熱茶同小食——鱈魚乾，鬆脆可口嘅鱈魚乾帶有陣陣辛香，蘸沙律醬食同配埋Sake一齊飲就最夾🍶✝️前菜3點📌沖繩水雲🌊，即喺海髮菜，喺褐藻嘅一種，加咗松葉蟹肉碎喺面，連埋酸醋一齊食勁開胃📌將螢光魷魚以天婦羅嘅做法去炸🦑，酥脆嘅口感當中帶有鹹香鮮美📌第一次見嘅八爪魚卵
地址：旺角彌敦道703-705號金鑽璽2樓
之前已經聽過旺角呢間「鮨心，旬節」 @kokorosushihk Omakase日本餐廳🇯🇵，皆因有唔少朋友都講過佢哋午市Omakase嘅性價比好高，最平$299就食到9貫壽司+1貫手卷嘅套餐😍
日文「Kokoro」解作「心」❤️，當一切由心而發咁去做，我相信每一個人都會感受到呢份心意；「旬節」有唔同季節嘅意思，餐廳旨在按照唔同嘅季節去發掘唔同新鮮而且高質嘅時令食材，希望整成各式料理，將食材最好嘅一面呈現喺你我眼前✨
平日嘅晚上嚟到，Bar枱10個座位全部坐滿，想嚟食Omakase嘅人真喺要記得提早訂位📞。晚市Omakase得「心 Kokoro」($1180)同「旬Shun」($1380)兩個Set，後者會多兩貫刺身同1貫壽司🍣，而我今次就揀咗前者💛
啱啱點完餐就已經奉上熱茶同小食——鱈魚乾，鬆脆可口嘅鱈魚乾帶有陣陣辛香，蘸沙律醬食同配埋Sake一齊飲就最夾🍶
✝️前菜3點
📌沖繩水雲🌊，即喺海髮菜，喺褐藻嘅一種，加咗松葉蟹肉碎喺面，連埋酸醋一齊食勁開胃
📌將螢光魷魚以天婦羅嘅做法去炸🦑，酥脆嘅口感當中帶有鹹香鮮美
📌第一次見嘅八爪魚卵🐙，食落有彈性，咬爆會有爆漿口感💥，加咗番茄汁喺當中，除咗酸甜之外仲有比蟹籽更香濃嘅鮮香奶油味
✝️刺身5貫
📌北海道鮫鰈魚，喺比目魚嘅一種，有兩件魚身同一件炙燒香嘅裙邊，蘸埋魚肝豉油同紫蘇花一齊食🌸，去除咗油膩感之外仲有陣陣紫蘇花香，仲更加突出咗魚嘅鮮味
📌以馥郁、層次豐富嘅Kaviari Caviar Kristal魚子醬，配上爽甜嘅北海道赤牡丹蝦🦐，連埋燒香嘅赤牡丹蝦蝦膏，加少少Wasabi一齊去食整體無咁腥，鮮味無窮♾️，當然唔少得食埋脆炸過、有油酥香嘅蝦爪啦
📌用櫻花木煙燻火炙過嘅鹿兒島鰹魚，成個過程吸引眼球之餘👀，食落魚嘅甜味仲充份咁帶咗出嚟，加上嫩滑嘅日本生雞蛋配洋蔥汁🥚，口感、味道層次瞬間大增😋
📌拖羅三文治真喺唔惹少，將富美丸赤海膽同奄美大島中拖羅，配以紫蘇葉同淡雪鹽一齊食，海膽同拖羅嘅鮮香交錯，啖啖鮮肉喺口中徘徊，加上香脆紫菜同紫蘇葉嘅微辛清香，師傅可唔可以比多舊我🤤
📌時令嘅原隻半個岩手縣紫海膽，海膽肉厚大呈淡黃色，回甘清甜有海洋嘅味道🌊，每隻海膽嘅甜度都有所唔同，唔介意嘅不妨同你身邊嘅朋友交換試吓😎。配上壽司飯、三文魚籽同炸河蟹仔，三重鮮味你又頂唔頂得順😏
✝️料理1品
用清酒燒過嘅長崎縣榮螺去除咗腥味🍶，先食佢嘅卵再食佢嘅螺肉，肉質豐腴細膩，味道鮮甜，最後飲埋螺湯，清清口腔準備品嚐之後壽司🍣
食到中間，師傳送咗北海道勁清甜嘅白粟米比我哋試🌽，爽口爆汁超好食💦
✝️壽司6貫
📌 肉質飽滿嘅北海道鱈場蟹肉碎，配埋自身嘅鱈場蟹膏，雙重享受，喺一場華麗「蟹」逅🦀
📌千葉縣金目鯛比其他產地嘅更肥美、魚味更加濃郁🐟，將金目鯛刺身用熱水燙十秒，咁就可以連皮都一齊食埋
📌時令嘅石川縣「鰯」，即喺我哋叫嘅沙甸魚，因為多骨，所以前期師傅去骨嘅程序要做到非常好🥢，先食到完全無骨嘅魚肉，加咗薑蔥蓉喺面，魚香味道比秋刀魚更加突出
📌長崎縣奄美大島大拖羅，顏色淺粉偏白，喺魚腹部最肥美嘅部位，脂肪相當多，紋理有啲似雪花❄️，天然嘅魚油脂甘香😌
📌將搽上醬油嘅北海道右口魚邊火炙過🔥，再加上白松露醬，令魚脂當中帶有松露同芝士香，口感更厚更綿密，入口即溶🤩📌秋山水產嘅赤海膽，入口鮮香，口感較為creamy，好似食緊比較厚身嘅奶油質感
師傅仲請我哋食北海道頂級海膽品牌——東沢水產嘅紫海膽，大大舊海膽直接放喺我嘅手背，冰涼細滑🧊，依家諗返轉頭嗰種鮮甜極致嘅韻味仲喺我腦海裏面回味緊🥰
✝️吸物
📌最後緊喺飲埋呢個用白身魚、魚頭去煲嘅魚湯🍲，顏色奶白重魚香，一啲都唔腥，好重骨膠原🐟
✝️甜品3點
📌加咗黃豆粉、Q彈嘅黑糖蕨餅
📌配上朱古力雪糕嘅煙韌糯米糍，雪糕中間仲有粒粒果仁碎
📌嚟自宮崎縣嘅赤肉哈密瓜🍈，咬落果肉軟滑，香甜多汁💦
成餐兩個半鐘嘅Omakase，喺我呢排食過比較享受嘅一餐，希望下次嚟會試到更多唔同嘅時令水產🦞
張貼
