火鳳凰火鍋料理 (已結業)

朋友話想食火鍋，揀咗一間喺旺角嘅火鍋店，舖頭裝修得好精緻，卡位坐得好舒服叫咗個鴛鴦鍋，係黃金皮蛋芫荽湯同埋麻辣湯底，麻辣嘅花椒味濃，好適合鍾意食辣嘅朋友，而皮蛋芫荽湯好有芫荽味，清清地食得到材料嘅真正味道叫咗兩隻扇貝好新鮮，滾一滾就食得，味道鮮甜而三星蔥爆漿貢丸充滿驚喜，三星蔥味濃郁，呢款貢丸比一般嘅特別而蜂巢豆腐可以吸收晒所有湯底嘅味道，分量又多，好抵食鮮淮山真係新鮮切出嚟，仲有淮山嘅漿液黏着，味道好清甜雞髀菇大大塊，亦都可以吸晒湯底嘅精華，食落好新鮮餐廳仲有好多唔同食材嘅選擇，相信一班朋友嚟都可以食得好開心