Bake N Grill (已結業)

難得過黎鰂魚涌拎野，係openrice見到呢間野咁多好評，梗係要試一試啦。一點多啲，冇人等位，任坐。聽到佢今日午餐有慢煮牛肩，聽落吸引，就叫左牛肩，跟個沙律。沙律有溫泉蛋加balsamic vinegar，味道唔錯，不過估計係雪櫃岩岩拎出黎，好凍。餐包一少片，微暖，配埋牛油幾香口。咖啡未食前菜就已經上埋，都OK，為左唔令佢變凍咖啡，主菜未到我已飲得七七八八。冇提供任何水。主角既牛肩，比想像中普通，一大舊肉加啲sauce、薯蓉同煮到超淋既雓菜。肉唔夠tender & juicy，配菜可以一笑置之，唯有薯蓉較滑同creamy。係餐廳入面，我見到有個 "Passfeed"既貼紙，好似有優惠，download左個apps睇，唔明。問個店員，佢hea我話要同Passfeed間公司聯絡左先有優惠。算，埋單走人。我見到有visa既貼紙，攞張咭出黎比佢，佢又hea我話午餐唔用得咭(餐廳入面冇任何標示話lunch唔用得咭)。算，俾現金。反正我以後都唔會黎。找左既散銀拎去附近買梳蕉算。