影片
更多
2018-07-09
1265 瀏覽
呢間車仔麵喺元朗都幾受歡迎啊，假期來親都見到有條小人龍，特別有幾次lunch想食，都因為太多人而放棄，於是今日專登揀傍晚時間來，諗住冇咁多人，大概5點零鐘就來到，正啊，唔洗等，即時有位可以入座，不過要留意喇，呢個時間先來，有機會有D比較受歡迎嘅材料會賣哂。鋪頭細細，約莫十零個位，一邊係四人枱，一邊係對牆嘅座位，坐邊我就冇乜所謂，反正都係食碗麵，好短時間嘅事，亦都想支持下D小店。被安排到近門口位搭枱，聽到對面兩個客人嘅對話，都好安心，因為佢地都有讚話好食同抵食，佢地係睇左網上介紹由九龍入來的。好在我地住得近，想食隨時都食到。呢度嘅價錢唔貴，車仔麵自由配搭，三餸38蚊，叫餐67蚊，包左三餸麵、小食、菜同飲品，都係抵食。我同朋友一人點左個麵，佢叫套餐，我地share小食食，足夠有餘，埋單人均50蚊3餸麵(陳皮魚蛋、雞翼、墨魚丸)、泰國鱷魚湯 38配左油麵，揀左3餸，好夠食，鱷魚湯底第一次飲，好奇想試下係乜味，另外點左少辣，想惹味D。鱷魚湯底係白白地色，冇乜油份，裡面有紅棗、杞子，飲落甜甜地，又幾好味，而且唔會好口渴，俾左少少辣醬，又幾惹味。不過見有D人話覺得唔夠辣，我又覺得ok，自己唔係特別
鋪頭細細，約莫十零個位，一邊係四人枱，一邊係對牆嘅座位，坐邊我就冇乜所謂，反正都係食碗麵，好短時間嘅事，亦都想支持下D小店。被安排到近門口位搭枱，聽到對面兩個客人嘅對話，都好安心，因為佢地都有讚話好食同抵食，佢地係睇左網上介紹由九龍入來的。好在我地住得近，想食隨時都食到。
呢度嘅價錢唔貴，車仔麵自由配搭，三餸38蚊，叫餐67蚊，包左三餸麵、小食、菜同飲品，都係抵食。我同朋友一人點左個麵，佢叫套餐，我地share小食食，足夠有餘，埋單人均50蚊
3餸麵(陳皮魚蛋、雞翼、墨魚丸)、泰國鱷魚湯 38配左油麵，揀左3餸，好夠食，鱷魚湯底第一次飲，好奇想試下係乜味，另外點左少辣，想惹味D。鱷魚湯底係白白地色，冇乜油份，裡面有紅棗、杞子，飲落甜甜地，又幾好味，而且唔會好口渴，俾左少少辣醬，又幾惹味。不過見有D人話覺得唔夠辣，我又覺得ok，自己唔係特別食得辣嘅人，小辣剛好
油麵份量適中，唔會煮到好lum，雞翼兩隻，墨丸兩粒，魚蛋8粒，加埋本身湯底有D菇菌。雞翼唔算好入味，偏瘦，肉唔會鞋。魚蛋我反而幾鐘意，最鐘意呢D陳皮魚蛋夠煙韌彈牙，呢度嘅魚蛋仲有少少似區問一間我好鐘意嘅魚蛋檔嘅味道。墨丸大粒彈牙，40蚊唔洗，抵食
3餸麵 (豬腸、雞翼尖、牛腩)、冬蔭公湯底 朋友配左粗麵，份量都夠男士食，麵條幾爽。佢嘅湯底都要左小辣，佢就覺得啱啱好，又有冬蔭公嘅味，又唔會太嗆喉，呢個就會鹹少少。配料果度，佢揀左豬腸，豬腸不少，幾乾淨冇異味，亦都爽。牛腩份量不少，夠lum身雞翼尖就少D，而且比較瘦。
朋友點嘅套餐包埋小食同菜，我都試左。首先係泰式鳳爪，都唔少，夠香辣，難得食車仔麵可以有泰式風味。另外菜方面我地點左蠔油菜心，菜心好lum呢
飲品揀左薄荷青檸，好飲wo，雖然陣味有少少青，但好爽，又唔會太薄荷，跟餐加6蚊，唔錯
張貼
