Fish & Chick (高街) (已結業)

今日去開西環探朋友，順便一齊食晚飯，朋友知道我最鍾意食Fish N' Chips，就話今日帶我去西區附近一間用鮮魚製作嘅英式炸魚。終於到咗啦！呢度嘅裝修風格以藍色白色為主，好友一種英倫嘅水手風，感覺就好似我哋兩個返返去以前係英國讀書嘅日子。魚類方面有本地香港新鮮魚，又有外國進口魚，聽點員講解進口魚口感會比較似魚柳結實啲，本地嘅由於係即日挑選，口感滑身d。於是我點左Flounder $155:外層鬆脆，魚肉嫩滑多汁，有別於一般嘅魚柳，香港與英國風味嘅交融，實在令人驚喜不已。Fresh clams in white wine: 蜆肉脹卜卜，非常結實，味道帶點辣和白酒香，不錯。我哋見到呢度有原隻燒雞，成隻燒嘅雞係我好鍾意嘅菜式，因為雞油可以緊緊鎖住喺肉裏面，呢一個層次係半隻感受唔到嘅，所以雖然只係小貓兩隻，我都堅持朋友一定要全隻點，實在太美味喇，兩個人吃得津津樂道！今個晚餐有講有笑，實在愉快。