Bloop Shisha Lounge (已結業)

今次去咗蘭桂芳嘅樓上酒吧，酒吧設有室內同室外座位，室內座位旁有一個大型魚缸，養咗唔同種類嘅魚，最特別係連鯊魚都有，可以一邊品酒、一邊魚樂無窮，也是人生一大享受。室外座位可以欣賞到中環嘅夜景，好適合同朋友摸下酒杯底。講到摸酒杯底緊係要叫返兩杯酒，呢到多款紅白酒、香檳、烈酒、清酒等選擇 ！如果唔知飲咩好嘅，可以叫店員推介，最後店員幫我地揀咗一杯香檳同一杯紅酒。Prosciutto PizzaPizza焗到金黃色，餡料有芝士同埋火腿，食落有芝士嘅咸香味嘅同埋黑橄欖嘅香氣，仲加咗少少醃漬辣椒，辣辣地提升味道層次。Deep-Fried Beddar Cheddar Sausages芝士腸炸到好香脆，再加上蜜糖可以中和油膩感。Deep-Fried Shrimp Stick炸蝦外衣非常酥脆，蘸埋泰式甜酸醬，酸酸甜甜幾開胃。Oven Baked Spicy Chicken Wings雞翼焗到好香口，肉質嫩滑多汁。